Seite:Briefwechsel Hildebrand Veckinchusen 229.jpg

aus Wikisource, der freien Quellensammlung
Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Wilhelm Stieda (Hrsg.): Briefwechsel Hildebrand Veckinchusen


204. Sivert Veckinchusen aus Köln an seinen Bruder Hildebrand Veckinchusen in Lübeck. – 1419 Febr. 24.

Rev. St.-A. Orig. Pap. Adr.: An Hyldebrand Veckynchusen to Lubeke littera detur.

Wetet leyve broder, dat ic juwen breyf ghescreven op sante Antonis dach[1] wol vornomen hebbe unde ok eynen breyff screven 2 dage na lechtmyssen[2]. Unde ic hebbe ju mest op al dync beschet weder screven. Gode unbarmet, dat ju was nicht to Francvord komen es. Ic hadde wessele op dat was opnomen unde dat sal my vele vordreytes inbrengen. Ic hebbe dar eynen knecht drade 6 weken na dem wase lyggen hat unde van al juwe stocvysche noch werke es to Francvord nicht vorkoft unde ic hebbe mynem knechte screven, wan hey dat was vorkoft hevet, dat hey dan to Strasborch varen sal unde den stocvysch al umme vorkopen unde dat gelt by dey band brengen, op dat et al umme slecht mochte werden. Got voget to den besten.

Item dat wel hyr dat grottest orloge werden, dat in manygen jare ghewest es, darumme es hyr neyn handelynge noch gelt van neynem gude to maken unde al dync wel hyr nicht gelden unde sunderlyngen juwe lobben es hyr quade gadyngen unde juwe 2 tunnen werx syn to Brugge wol komen, hope ic, unde juwe schonwerk es hyr unvorkoft unde my ward ny also bange umme gelt; Got betert al umme. Item dencket op neyn gelt herward optonemen, wand ic wel numende neyn gelt geven, er ic dat van juowen dyngen kope unde dey reyse to Venedyen ward wol noch in eynem jare nicht opkomen, dencket op ju olde nerynge to Flandern unde to Pruosen unde to Lyfflande ward, dat wol op dey lengede best syn, ic wolde dat ic ny ander nerynge anghenommen hedde, Got helpe my van al umme eyn gud eynde. Grotet myn suster unde ju kynder unde al vrunt. Ghescreven op sunte Mattyas dach anno 19 jar.

Zyverd Veckynchusen, Kolnne.


205. Sivert Veckinchusen aus Köln an seinen Bruder Hildebrand Veckinchusen in Lübeck. – 1419 März 12.

Rev. St.-A. Orig. Pap. Adr.: An Hyldebrand Veckynchuse to Lubeke littera detur.

Broderlyke leyve vorscreven wetet, dat juo 2 tunnen harwerx wol to Bruogge komen syn unde ic hebbe ju schonwerk to Francvord ghesand. Got geve dat et dar wol komen mote, dar leget my grot macht an unde ic hebbe dar vele dynges by unde ic vruochte, dat ic to Francvord nicht komen kunne, dat my grot schaden solde, wand men es my dar vele schuldych unde ic wederumme unde wet nicht, woe doen unde ic hebbe numende, dey my dat wol utrychten solde unde darumme segge ic numende eynych gelt van juower wegen dar to geven unde juwe stocvysch meyne ic, sy mest al vorkoft to Mentze unde Strasborch unde Speyree. Unde Hans van Ergerssen hevet

  1. ↑ 17. Januar.
  2. ↑ 4. Februar.
Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 42. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_229.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_229.jpg&oldid=3224582“