Seite:Briefwechsel Hildebrand Veckinchusen 239.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

wol in Gode altos myt unsen kinderen unde vrenden. Ghescreven 1419 op sunte Peters unde Pauwels dach in Brugghe.

Hildebrant Veckinchusen.

Hirinne es dey erste manebreyf an Boden van Stochem op dey 550 marc Lub.

216. Hildebrand Veckinchusen in Brügge an seine Frau Margarethe in Lübeck. – 1419 Juni 29.

Rev. St.-A. Orig. Pap. Adr.: An Margreten Veckinhusen to Lubeke lyttera detur. Das Datum ergibt sich aus dem vorhergehenden Briefe.

Vrentlike grote vorghescreven. Greteken, leyve wyf, wete, dat ick hebbe nu ghescheppet to Hamborch wort an den cranmester 3 terlinge wandes, aldus ghemerket. 1 terlinch es in scheper Wyllem Brande, dar es inne

f.

27 Bollarde efte Wallemesche also 14 blauwe myt den slachdoke, 8 swarte, 3 gronne, 2 rode. Elk half stet 15 sl. erstes kopes.

g.

Dey ander terlinch es in scheper Gherbrant Johenssone, dar es ok inne 27 halve Bollarde, ok alsolke varve mer, hir es inne 1 swart mer, 1 blau myn.

h.

Item so es dey dorde terlinch in schepper Claes Hagheman, dar es inne 24 halve Bussche laken, also 15 swarte, der es 1 ton slachdoke, 8 rode, 1 blau. Elke stet 18 sl. 6 gr.

Desse laken lat Hoyman vorkopen myt den ersten, umme ghelt to maken, umme unsse schult to betalende unde vort so weren dey ersten laken ok gud vorkoft, op dat sey nicht vorkoft sint.

Item so sende ick dy noch in Wyllem Brande 1 eyken bereven tunne, dar es inne 1 ghegrenter roter Arras, wolden daz 2 hoyken van werden, so wer et gud. Dat Arras stet 14 marc Lub.

Item so es hir inne wat allerleye crude unde ok rys und 1 kerl myt beverswamme voydert. Item so es darinne 1 ladeken, dar sint inne 2 gulden rynge myt twen sofferen, dey steken over 1 poper, dar sint inne 2 huven, dey eine kostede 15 gr. dey andere 9 gr. So wes mer in der tunne es, dat vindestu wol, dat lat al op dey cleyne kamere legghen. Anders nicht, dan var wol. Lat Hoiman des besten ramen. Ghescreven op sunte Peters unde Pauwels dach in Brugge.

Hildebrant Veckinchusen.

Ick wyl in kort bi ju sin, welt God, unse leyve vrouwe amen.

Item Greteken, leyve wyf, wete dat dy sol don gheven to Lubeke Bode van Stochem 550 marc Lub. op den dach, also du den breyf salt overleveren,

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 52. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_239.jpg&oldid=- (Version vom 31.7.2018)