Seite:Briefwechsel Hildebrand Veckinchusen 248.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Wilhelm Stieda (Hrsg.): Briefwechsel Hildebrand Veckinchusen

224. Wilhelm Richardes in Lübeck an Hildebrand Veckinchusen in Brügge. – 1419 Decbr. 18.

Rev. St.-A. Orig. Adr.: An Hyllebrand Wockennchusen tho Brugge come desse breyf. In dorso von der Hand des Empfängers: 1420, 12 in janewario 153 marc Lub. Item betalt Kerstejan Besseler 5 ℔ gr., 27 in janewario. Item betalt emen noch 5 ℔ gr. Item betalt noch Besseler 5 ℔ gr.

Vrentlike grote tovoren gescreven an mynen guden vrend. Hyllebrand Wockenchusen, wetet asse umme dat gelt, dat ghy my schuldich bleven, do ghy van hir togen, do beydde ghy my, dat ic solde bedden 8 dage na sunte Mertyn. Des wetet, dat ic hebbe gebedet mer dan 5 weken na sunte Mertyn. Unde ic en kan allike wol geyn gelt gekrygen van juwer werdeynnen unde ze secht my, dat ze dar geynen rat to en wete unde ok zo hebbe ic juwen broder wacke gesproken. Hirumme zo dot wol unde gevet Kestegen Beseler 25 ℔ gr. van myner wegene up rekenschop; wan God geft, dat ghy to hus comet, zo wylle wy dat wol reken. Hirumme zo dot wol unde untreychtet Kestegen dey 25 ℔ gr. 8 dage na deme breve, wente he mot ze untrychten van myner wegene. Wente ghy weten wol, do ghy van hir scheden werd, dat et my nicht untrychtet worde 8 dage na sunte Mertyn, zo solde ich et overcopen. Anderz en wet ic ju nicht to scryven up desse tyt dan gebeydet to my. Gescreven to Lubeke des mandage vor sunte Tomas dage.

Wyllem Rychardes.

225. Ghert Cleppink an Hildebrand Veckinchusen in Brügge. – 1419 Decbr. 21.

Rev. St.-A. Orig. Pap. Adr.: Honesto viro Hilbrando Vockinchus Brucge detur.

Vrentlike grote tovoren und wes ich gudes vormach. Wetet Hilbrant, gude vrent, dat ich juwen breyf wol entpfangen hebbe, den gy gescreven hadden op sunte Katerinen avent, alse van den Lyrschen laken, dat ju Cord uter Olpe schuldich eys to betalen, darvan dey gesellen kogelen af hadden, darvan hebbe ich uterlike med eme gesproken, so dat syne meynynge eys, dey gesellen solden tosamen op den brede spelen und maken dat gelt under e^en und betalen ju, darop ich eme antwerde, dat hey dey last an syk genomen hedde ju dat laken to betalen und dat hey vart spelen mochte med den gesellen med elken ume syne kogele und wo hey spelde of nycht, gy mosten van eme betald syn. Hyrop seget hey my, dat ich my dar nycht mede en moge, hey welle hyrnest by ju komen und spreken med den gesellen, also dat gy wol betald sollen syn. Ich baed emen, dat hey my dat gelt hyr hedde geven, ich woldet ju dar weder geven, dar en wel hey nycht an, alduz en wed ich dar anders nycht by to done. Hyrmed weset God bevolen und gebeydz

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 248. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_248.jpg&oldid=- (Version vom 31.7.2018)