Seite:Briefwechsel Hildebrand Veckinchusen 250.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Wilhelm Stieda (Hrsg.): Briefwechsel Hildebrand Veckinchusen

Dat gheschach in dem jare na Godes bort 1400 unde twintich jar op ten 23ten dach in janu^oario in dem namen Christi.

Item so hebbe ich ghesproken met Conrade uter Olpe unde den machtbreyff seyn laten unde seghede em also gy scryven. Hey seget noch als jo hirumme so en wet ich nicht, woe ich best mede doen sal, wante hir en mach geyn ingheseten gastes macht annemen op enen anderen inghesetenen, also men my seghet. Aldus so drowe ich ein vaste met Philippus Sporenmaker, dat ich den boden senden mote to Collen. Also stan de sake, nu es Philippus en wech, doch so seget Conrad he wille sich op de sake bet beraden und secgen my en antworde, wat he my seget, dat wil ich ju gerne scryven, mer he duncket my to male trach met betalen, dar denket op. God sy myt ju. Ghescreven 5 daghe vor lechtmisse anno 20 in Dorpmunde. Ghebeidet over my.

J. van den Bokelle.

Item so sal Arnd van den Berghen hebben 16 Rinsche gulden van Bertram Berchoves wegen, dar sal Dyrck Borgher van betalen vor sin suster Gerdrut 6 florin Rinsche unde gy de 10 gulden, wante ich moste se van Bertram vorscreven nemen an guden gulden solde ich Philippus vort an helppen ter stunt.

228. Johan van dem Bokele aus Dortmund an Hildebrand Veckinchusen und Dietrich Borgher in Brügge. – 1420 Janr. 29.

Rev. St.-A. Orig. Pap. Adr.: Hildebrand Veckinchusen und Dyrck Borgher to Brucghe.

Vrentlike grote vorghescreven, wetet leyve om Hildebrand unde Dyrck Borgher, dat gy dar willen betalen unde geven Arnde van den Berghe 16 florren. Des sole gy, om Hildebrant, utgeven 10 Rinsche gulden unde Dyrck 6 florren vor din suster Gerdrut van rogen und molte. Dit gelt neme ich hir van Bertram Berchove; scryvet my al tidinghe. God sy myt ju. Ghescreven 5 daghe vor lechtmisse anno 20. in Dorpmunde. Ghebeydet over my.

Joh. van den Bokele.

Conrad seget he wil betalen te passchen vor 10 koghelen.

229. Philipp Spormaker aus Danzig an Hildebrand Veckinchusen in Brügge. – 1420 Febr. 8.

Rev. St.-A. Orig. Pap. Adr.: An Hillebrant Veckinchusen to Bru^egge littera detur.

Swaeger ju^o gelieve to weten, dat ik to Danske quam des du^onredages na su^onte Dortyen dach^[1] und ik antwerde Gerwen Maerscheyde de breve, und he heft my togesacht den tynden pfennig, wes proefytes dat em daervan

werden koene na juwer gu^onst, mer ofte min, aldus heft he dat an ju^o

↑ Februar 8.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 63. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_250.jpg&oldid=- (Version vom 31.7.2018)

[1] Februar 8.

[1]