Seite:Briefwechsel Hildebrand Veckinchusen 253.jpg

aus Wikisource, der freien Quellensammlung
Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Wilhelm Stieda (Hrsg.): Briefwechsel Hildebrand Veckinchusen

blyvet my Gherwin schuldych 32 marc 13 scot., darto 13 ₰ Prusch. Darto solde hey untfanghen 20 ℔ gr. van Clauwes Swarten. Item so hebbe ick van 3 luden nomen 31 ℔ gr. Darop so hevet hey to helpe dey 20 ℔ gr. vorscreven, so breke emen dan noch 11 ℔ gr., dey sal hey nemen van mynem lesten gude. Der Namen des Schreibers ergibt sich aus der Bemerkung des Empfängers, der den Vornamen „Gerwin“ namhaft macht, sowie aus dem Vergleich der Handschrift dieses Briefes mit anderen Briefen Gerwin Marschede’s.

Vruentlike grote tovoren au mynen leven vruent. Hildebrand Veckinchuesen weten sole gy, dat ik jue rekenschop screff int jar 1400 in deme 18 jare op wynachten alzo dat ik do hir behelt, dat jue horde, an gelde 746½ mark unde 40 ₰ Pruesch. Noch hadde ik hir unvorkoft, dat jue horde, 2 bale komels, ½ gra Herentalsch laken; dat laken golt 9 mark, de 2 bale komels guelden blyvendes geldes 31 mark unde 18 ₰. Item de vigen, de gy hir senten in Albrecht Ludekenssone, de Tydeman Swarten mede tohorden, dat es vor geworden to juewen dele al ungelt avegerekent 92 mark 20 schillinge myn 2 ₰. Item vor de vygen, de gy uns santen in schepper Rasekoppe, de ok Tydeman Swarten mede to behorden, darvor es geworden to juewen dele, al ungelt averekent 175 mark 16 ₰. Aldus so es de summa hirvan in al, dat ik van juewer wegen hir do behelt 1053½ mark 2½ scot 2 ₰.[1]

Darnest int jar Christi 1400 int 18 jar, 2½ weke na paschen[2] do untfenk ik ut schipper Gyldemeyster 2 terlink laken, de stonden to puentgelde palgelt 2 mark 10 scot, to bordinge optoschepen 22 schill.; vor 6 laken to wasschen unde vor 1 to scheren 1 frd., to kellerhuer 3 frd., summa des ungeldes 15 frd. unde 2 schill. Hirut vorkoft 18 Herentalsche laken, dat stuecke vor 21 mark, summa es 378 mark; noch vorkoft 27 Wallemesche, elk stuecke vor 7 mark myn 1 frd., summa es hirvan 182 mark 1 frd. Noch 4 Wallemesche vorkoft tosamen vor 19 mark. Noch vorkoft 1 Wallemesch dat was myt alle sere vorrotet vor 3 mark. Summa blyvendes geldes von dessen twen terlingen es 578 mark 12 schill.[3]

Darnest 3 weken vor pingesten[4] untfenk ik ut Herman Schreve unde ut Arnt Hinrykessone, quemen beyde ut der Traven, 2 terlinge, de stonden to allen ungelde, puntgelt, vracht, kellerhuer tosamen 4 mark unde 9½ schill. Hirut vorkoft 18½ Herentalsche laken, dat stuecke vor 22½ mark, ½ Komesch vor 5½ mark, summa es 422 mark myn 1 frd. Noch vorkoft hirut 4 Ypersche vor 177 mark, 1 frd. Noch vorkoft hirut 2 Ypersche laken vor 65 mark. Noch vorkoft hirut 2 Ypersche laken vor 144 mark. Noch vorkoft ½ Komesch vor 7 mark myn 1 frd., noch 15 elen wyttes lakensch vor 5½ mark ½ frd., summa 12 mark 9 schot. Summa blyvendes geldes von dessen twen terlingem es in al 815 mark 13 schill.

  1. ↑ Die Summierung muß richtig heißen: 1053½ mark 10 scot. 12 d.
  2. ↑ 13. oder 14. April.
  3. ↑ Die richtige Summe ist 578 m. 13 schill.
  4. ↑ 24. April.
Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 130. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_253.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_253.jpg&oldid=3224606“