Seite:Briefwechsel Hildebrand Veckinchusen 274.jpg

aus Wikisource, der freien Quellensammlung
Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Wilhelm Stieda (Hrsg.): Briefwechsel Hildebrand Veckinchusen

Int jar 1420, 25 in junejus do rekende wy also Johannes Marsschede unde ick Hildebrant unde Einghelbracht Veckinchusen dat unghelt dat Fylypus vortert hadde over al in Prusen unde Lyflande tohope 8 ℔ 11 sl. 7 gr.

Hirvan rekende wy op dey Prusche reysse 2 ℔ 11 sl. 7 gr.

Hirvan hevet Marsschede betalt op sin part 17 sl. 2 gr. 1 einghelsch.

Unde Einghelbracht ok 17 sl. 2 gr. 1 einghels. Item so hebbe ick Hildebrant betalt ok 17 sl. 2 gr. 1 einghels.

Item aldus rekenne wy op dey Lyflansch reysse 6 ℔ gr. Hirvan sal utlegghen in Lyflande ton ersten her Hildebrant van den Eyken 1 ℔, dat so hey betalt also 5 marc Ryghes unde 13½ ore, sal hey Tomas geven. Darmede es dat ℔ gr. slecht.

Item so sal Tomas ok 1 ℔ gr. utleghen; darvan hevet hey utgheleghet 3 Arnnemsche gulden unde 7 ferdinge unde 1½ ore Vlamesch[1], darboven sal hey utleghen noch ofte herover maken 3 sl., gr. Darmede so es to sin ℔ gr. betalt.

Item Gherwin van der Klus unde her Hildebrant van den Bokel dey solen her overmaken under ein beyden 2 ℔ gr. Darmede solen sey beyde quyt sin, des so solen sey uns scryven, so wes uns sal to bate komen van den solte. Hevet Fylypus recht unde wol ghedan in saken, hey sals gheneyten in Prusen unde Lyfflande.

Item so sal ick Hildebrant Veckinchusen utleghen op myn part in Lyflande 1 ℔ gr. Hirto so sal Einghelbracht utleggen noch boven dat hey utgheleghet hevet 6 sl. 3 gr. myt dessen 3 ℔ 3 sl. unde 6 sl. 4 ₰. Darmede sal man Gherwin Marsschede in Prusen betalen sine 28 marc 3 scot Prusche. Des sal to Gherwins behoyf[WS 1] untfanghen Johannes Marsschede dey 2 ℔ 3 sl. ut Lyflande unde darto van Einghelbracht Veckinchusen 6 sl. 4 gr. unde Marsschede sal in Prusen afkorten vor myn punt gr. 8 marc. Darmede so es dey Lyflansche reysse unde Prusch slecht gherekent also van den unghelde. Mer wes ghewunnen wert an den solte, dat solen sey uns to rekenschop brenghen van. Also sal Fylypus darvan tovorn hebben den tenden ₰ op dat hey recht unde wol ghedan hevet. Aldus so stet dyt hirvan op dey tyt van nu.


250. Ein Ungenannter (Gerwin Marschede) an Hildebrand Veckinchusen in Brügge. – 1420 Juli 22.

Rev. St.-A. Orig. Adr.: An Hildebrant Veckinchuesen to Brugge littera detur. In dorso von des Empfängers Hand: 1420, 20 in den osste; 2 stro wasses sin 3 stucke, stont 125 marc 9 schot; ½ 1000 Swessches werkes; 11 tymmer. Fynnes werkes; item 30 decker bockvelle to 5 ferdinge 8 ₰. Summe hirvan es by 207 marc Prusch. Vorkoft dyt was to 40 marc myn 2 marc unde et woych 5 wagen 5½ naghel; summe untfangen by Kollin 14 ℔ 13 sl. 5 gr.

  1. ↑ Soll wohl heißen: Rygesch.

Anmerkungen (Wikisource)

  1. ↑ Vorlage: beboyf
Empfohlene Zitierweise:
Briefwechsel Hildebrand Veckinchusen. Leipzig: S. Hirzel, 1921, Seite 151. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_274.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_274.jpg&oldid=3224626“