Seite:Briefwechsel Hildebrand Veckinchusen 307.jpg

	Wilhelm Stieda (Hrsg.): Briefwechsel Hildebrand Veckinchusen

laten umme rechte ere wyllen, des seed, dat gy uns des geneten laten. Unde wy sind noch van ju to achter by 70 marc Lubesch myd dem scadeghelde, dat up de 30 ℔ gr. komen is, dat gy uns de nicht betalden up Brugghermarket also alse juwe beseghelde bref uedwised unde inhold. Nu sind wy noch van ju begherende sere vruntliken, dat gy hir juwen wyve unde Tydeman Brekelvelden unde juwen vrunden wyld hir scryven unde bestellend unde voghent also, dat wy van dessen vorscreven 70 marc Lubesch vornoghet werden myd reden pennyngen oft myd gude oft myd panden, up dat uns nene noed en sy ju unde juwe hus unde juwe gu^edere to vorvolghende myd rechte. Wente wor gy dat nu nicht also bestellen unde voghen myd juwen vrunden, dat wy betalt werden, so en moghe wy des nicht lenk laten staen, wy en moten ju unde juwe hus unde juwe gudere vorvolghen myd rechte. Unde wy weten wol, dat hir dat kapitel betalden Gobelyns, des kopmans klerikke, 2200 gu^elden, van dat ju und juwer selscop de Romesch konyngh tachter was, also mene wy, dat gy des nu wol macht hebben uns desse 70 marc Lubesch vorscreven to unrichtende unde vornoghen laten. Wente wy doch schaden noech van ju had hebbet, dat wy tymean an unser ander ghelt mosten nemen, dat wy opslaghen hebben vor al sulk gheld, dar he nicht gud vor en is. Wente wy en kond den tymean nerghen nu^e also du^ere gheven alse en juwe vrunde uns in de hand ghedreghet hebbed. Men wo dem is, dat mote wy mede lyden, men voghed unde bestelled also hir an juwe vrunde, dat wy vornoghet werden van de 70 marc Lub. vorscreven, de wy noch van ju to achter sin. Dat rade wy ju hoghe up dat uns neen nod en sy vorder to sokende myd rechte. Hirvan beghere wy juwe warafteghe antworde by dessem jeghenwerdeghen boden wedder, up dat wy weten moghen, wor wy uns na richten, scholen. Hirmede so vard wol in Gode unde bedet over uns. Ghescreven to Lubeke des mydwekens na sunte Margreten dage anno 21.

Hermen van Styten.
Hinrik Ku^ele.

Item Syverd Fokkynkhuse, gude leve vrunt, wetet dat wy dessen bref buten darumme mede an ju screven hebbet, up dat gy dat also voghen unde bestellen myd juwen broder, dat he uns betale das he uns tho achter is, alse desse bref vorscreven inhold unde uedwysed, up dat uns neen nod en sy meer moyen se darumme to doende, des bydde wy ju. Und werd, dat juwe broder Hyldebrant to Kolne nicht en were, so voghed unde bestelled dat also dat em desser bref to der hand kome unde hirvan beghere wy wedder juwe antworde by dessen jeghenwardeghen boden.

284. Everd van Meghen und Johann Kavolt in Brügge an Hildebrand Veckinchusen und Hildebrant Sudermann in Köln. – 1421, Juli 20.

Rev. St.-A. Adr.: Den erbaren Hilbrant Veckinchusen Hilbrant Su^ederman to Collen littera prius detur. Orig. mit den Resten des

Empfohlene Zitierweise:
Briefwechsel Hildebrand Veckinchusen. Leipzig: S. Hirzel, 1921, Seite 72. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_307.jpg&oldid=- (Version vom 31.7.2018)