bidd ic hu, dat ghi mi met meer en scryft an Hinghelbrecht, want hi ne leende hu niet eene quade mite ende, daer bi up hen ende durdi hu niet verlaten. Sryft an elhiemende, of ghi muecht ende wes dat ic scrive, ic wil altoos tbeste derin doen also helpe mi God, die hu bewaren moete ende brynghen hu hunt huwen lidene ende ons allen. Ghescreven te Brugge sonderdaech na Bertelmey anno 1400 ende 21 jaer.
298. Tideman Brekelvelde an Sivert Veckinchusen. – 1421 Sept. 8.
- Rev. St.-A. Orig. In dorso von der Hand des Hildebrand
Veckinchusen: 1421, 16 in october.
Item, Syvert, diu machst dinem brodere segghen, off he dar is, dat ik sinen breff ghescreven 22 in aughusto wol vornommen hebbe, alse he my scrivet, dat ik eme screven hedde, wo ik de helffte van der syden betalen wolde, de he my allerlatesten sant hevet. Unde he hevet my ghescreven, dat ik wol do unde scrive dat Sunnenschine to Brugge, dat he de helffte betale. Hirop do wol unde segghe eme, off sende eme dit sedelken, dat ik Sunnenschine screven hebbe, dat he 1 ₰ dar nicht van betalen en sal, wante de syde, de he my allerlatesten sande, darvan hevet he sin deel Dyrk Borgher overgheven alse vor 20 ℔ grote, de Dyrk Borgher vor ene betalt hevet. Weme ik nu de andere helffte hir betalen sal, dat he my dat scrive, dat wel ik gerne don. Op eventur[e] is best, dat ik Margreten de andere helffte hir betale, op dat et sin wille sy: wante ik en wel dat ghelt nummende gheven, et en sy mit sinen willen unde ok, dat ik des sine breve hebbe. Wante ik en sy anders nummende nicht schuldich dan dinem brodere unde ok so en wel ik dar nummende hant rekeninge van don, ik en hebbe dines broders willen off sine bewisinge darvan, lyk alse he my screven hevet, dat ik Dyrk Borgher de helffte darvan antwor[d]en sal. Ik en wet eme noch dy anders nicht to scriven, dan dat ik al ume des besten gerne ramen wel. Hirmede sijt Gode bevolen. Ghescreven op unser vrowen dach nativitas anno 21.
Item, van dem lesten syden en is boven 5 ℔ nicht vorkofft. Dat komet darby to, dat se tomale groff is etc.
299. Sivert Veckinchusen in Frankfurt a. M. an seinen Bruder Hildebrand Veckinchusen in Antwerpen. – 1421 Septbr. 8.
- Rev. St.-A. Orig. Pap. Adr.: An Hyldebrand Veckynchusen to Andorppen littera detur.
Wetet leyve broder, dat ic juewe breyve wol vornomen, dat gy to Andorppen unde Bruegge wesen wellen. Got geve, dat et gud werde, des behove wy al umme wol. Gy scryven van gelde, my werd bange noch unde wet
Briefwechsel Hildebrand Veckinchusen, Seite 321. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_321.jpg&oldid=- (Version vom 31.7.2018)
