- unde Jacop Scotteler unde Johan Koppeler also van 260 overlantsche Rynsche gulden myn 4 ℔ unde 10 gr. Am Schlusse der Urkunde der notarielle Vermerk über die Richtigkeit des Inhalts.
In nomine domini, amen. Datum per copiam et formam sive tenore transscripti sive transumpti per modum vidimus sub manu mei notarii subscripti et signo tabellionatus officii ex originalibus litteris per modum cyrographorum in flamingo confectis sigillo causarum ville Brugensis sigillatis exerpti in hunc qui sequitur modum: Allen den ghenen, die dese letteren zullen zin of hooren lesen, burchmeesters scepenen ende raed van der stede van Brugghe saluut ute dien, dat Arnoud Scouteten poorter von Cuelne up ghedreghen ende in handen ghestelt hadde up ten 27ten dach van septembre int jaer 1400 ende twintich ter jeghenwordicheden van onsen voorsaten in wetten Hildebrande Veckinchuuse coopman van der Duutscher hanze ende Jacoppe Temerman, die men hiet Cannekin, onsen poortere zekere letteren van lyfrenten daerin Jan de Keppelare ende Rombout Keppelare, Goris Huselman ende Herman Nederlander verbonden stonden onder hare zeghelen ende elc voor al jeghen den voorseiden Arnoude ende zinen wive in de somme van tweehondert Rynsche guldine ende een voeder wyns omme by den voorseiden brieven te vercrighene te wetene de voorseide Hildebrand de somme van een ende dartich pande vyftiene scellinghen ende twee penninghen groten Vlaemscher munten ende de voorsceiden Jacop de somme van neghen pond drie scellinghen ende drie penninghen grote der voorscelden munten, die de zelve Arnoud den voorsceiden Hildebrande ende Jacoppe tachter en sculdich was ende het ghelieftheift na der hand den voorseiden Hildebrande Jacoppe Scuetelare onsen poorter over ende in handen te ghevene overmids zekeren sculden, die hi den voorseiden Jacoppe sculdich was, eenen brief, der in de voorseide Arnoud Scoutete, Everd Roede ende Herman Nederlander jeghen den voorseiden Hildebrande verbonden staen in de somme van tweehondert ende tsestich overlandsche Rynsche guldene omme die van den voorseiden Arnoude of van zinen weghen te ontfanghene, so eist dat wy orconden met warachticheden, dat voor ons commen zyn up den dach van heden de voorseiden Jacop Scuetelare ende Cornelis Convent ooc onse poortere, de welke kenden ende verlyeden dat Zyvert den derden daghe van ouste zy vernoucht hebben ghesyn ende al noch zyn van den voorseiden Janne Keppelare betaelende over ende in den name ende als sculdenare van den voorseiden Arnoude Scouteten de sommen van penninghen hier naer verclaert ende eerst de voorseide Jacop Scuetelare over ende in den name van den voorseiden Hildebrande ende als bringher der voorseiden litteren van verbande, der in de voorseiden Arnoud Everd ende Herman geghen Hildebrande voorscrevene verbonden staen ende in minderinghen der zelven litteren de somme van een ende dartich pond viertiene scellinghen ende eenen pennync grote Vlaemscher munten, item noch up ten 18sten dach van maerte de somme van drie pond vyf scellinghen ende eenen pennync grote der voorseider munten ende de voorseide Cornelis Convent over ende in den name von den haeldinghers
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 390. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_390.jpg&oldid=- (Version vom 31.7.2018)
