Seite:Briefwechsel Hildebrand Veckinchusen 393.jpg

aus Wikisource, der freien Quellensammlung
Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

vederen unde my over wynter werkes genoch, hade he hier den lenger gebleven. Wo scolde ik em den geraden hebben? Doc so hadden wy dat gerne na jowen breven gedan, men dy junge en wol hyer somegot nycht blyven. Dessen bref scref my Hansseken Lestendoen; worden dye lude nycht rede. Ik hope Hanseken sy drade to Revele by her Hillebrant van den Bokel, onse Her Got dy geve em lucke unde eventure. Ik hope dat scole vor den jungen syn unde Hilddebrant geyt noch to der groten scole unde he en wert dar nu afgenomen. Anders nycht up des tyt dan Got beholde jou gesunt to langer tyt. Gescreven acte dage voor ons Heren hemelvart.

By my Greteke Veckinchusen.


376. Johannes van dem Bokele in Köln an Hildebrand Veckinchusen in Brügge. – 1424 Mai 6.

Rev. St.-A. Orig. Adr: An Hildebrand Veckinchusen tho Bruecghe. In dorso von der Hand des Empfängers: 13 dage in meye.

Vrentlike grote vorghescreven. Leyve om Hildebrand, wetet, dat ich dat paxken an palme avende[1] dede Herman Grypinchoven, enem wynmanne van Herman Vrydages selscop, dat spreket an Eingelbert Veckinchusen, dar latet dat eysschen. Item so duchte my thomale gud, dat gy termyne konden ghekryghen met juwen luden. Wante dat recht moghen se noch mer schelden, so geyt einer en jar off twe en wech, darunder so mochte vele versumenisse darin vallen unde de terynge unde kost is grot; to Lubeke off tor Wysmer terde men langer van 20 marken dan to Bruocghe van 20 ℔ gr. Dar dencket op unde richtet ju selven. God vorsey dat beste al umme dorch sinder gottliker ghenade willen, amen. Hirmede vart wol in Gode. Ghescreven 6ten dach van meye anno 24 in Collen. Ghebeydet tho my.

Johannes van de Bokele.


377. Sivert Veckinchusen in Lübeck an seinen Bruder Hildebrand Veckinchusen in Brügge. – 1424 Mai 26.

Rev. St.-A. Orig. Pap. Adr.: An Hyldebrand Veckynchusen to Bruegge litera detur. Von H. V. Hand hinzugesetzt: by Johannes Byllevelt 1424 jar 7 daghe in junegus.

Wetet leyve broder dat ic juewe breyve wol vornomen hebbe unde gy meynen oft dat ic ju neyn gud antworde weder scryve, so welle gy my noch 1 breyf scryven, dey my nicht wol behagen sole unde ic wolde, dat gy my doch under eyns scriven dey gantze grunt[2] juewer meynynge al schelynge unde ansprake, so mochte ic ju weder scryven ic hebbe vuste dat beste ghedaen unde kan jo neynen danc vordeynen und ic hope ummer dat beste to doene na myner macht; und ic segede ju to Kolne unde scryvet

  1. ↑ 15. April.
  2. ↑ Schwer leserlich.
Empfohlene Zitierweise:
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 393. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_393.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_393.jpg&oldid=3224745“