386. Vertrag Hildebrand Veckinchusens mit Joris Spinghel wegen der Zahlung von 120 ℔ gr. – 1424 Oktober 7.
- Rev. St.-A. In dorso von Hildebrand Veckinchusen’s Hand: Dyt es dat recht unde borchtucht tusschen Jors Spinghelle unde my van den rechte van myns heren den provest van sunte Donas in Brugge. Symon van der Banck dey junge unde Rogher van der Steghelle sin myn borghe keghen Jors vorscreven vor 150 ℔ gr.
Upten 7sten in octobri anno 24 van 100 ende 20 ℔ grote daer of dat Joris Spinghel hadde ghedaen vanghen Hildebrant Veckencuus es van 100 unde 20 ℔ gr. ende 30 ℔ gr. over sine costen daer of dat Hildebrant hadde ghedaen vanghen bi den bailliu van den proeffsthen Jorys Spinghel voorseid also tpappier van der vierscare van dien verclaerst. Ter praesencie van minen heere de proefst ende ter kennessen van Jan van Hoghelande, Jacob Bulting unde Michiel Trey rederers mins heeren proefst van sunte Donaes ende by consente van beeden partien was so verre ghetoetieret ende ghesproken tusschen partien boven ghenoempt dat zo wie bortocht ende causioen doen mochte van der somme daer voeren dat zy elc anderen hadde ghedaen vanghen bi den bailliu van den proeffsthen also de tafle van den steenwaerdere verclaerst ende also zy ter duere van den steene bevolen waren elc jeghen andern ende alsoot tpappier van der vierscare van den proeffsthen wel verclaerst ende van dien te rechte te wetten ende te vonnessen te staene ter vierscare van den proeffsthen dat die partie untgaen zal op de bortocht also voorseid es ende dander partie sal bliven ligghende in den steen to te hy bortocht ghedaen zal hebben int ghelike ende waert alzo dat zy beide bortocht daden, zo souden zy beede ontgaen vorbeidende van dien tgoede vonnesse van rederers mins heeren proefts also tpappier van der vierscaerne wel verclaerst.
Jorys de Spingle als principael, Simon van der Banc de Jonghe, Rogier van der Stichele als borgher vadunt elc allene ende over al te rechte te staene ende te wetten van den proeffsthen te verantwordent den voorseiden Hildebrant Veckincuus van 100 ende 20 ℔ gr. ende van 30 ℔ gr. over sine costen daer of dattene de voorseide Hildebrant hadde ghedaen vanghen bi den bailliu van den proefsthen ende by also dat sonte of ghebrec waer aen Joriis Spingle voorseid vante sinen dinghedaghe te komene ende te wetten van den proefsthen te verantwordent van der voorseiden somme den voorseiden Hildebrant; dat zo wedden al daer ende beloveden de voorseiden Simoen van der Banc en de Rogier van der Stichele ende elc over al te vulcommen ende te vuldoene op de voorseide somme van 100 ℔ gr. boven ghenompt al soot tpappier von der vierscare wel verclaerst ende inhout.
387. Sivert Veckinchusen in Lübeck an Hildebrand Veckinchusen in Brügge. – 1424 Oktbr. 12.
- Rev. St.-A. Orig. Adr.: An Hildebrant Veckynchusen to Brugge littera detur.
Vruntlyke grote vorscreven. Wetet, leyve broder, dat my wundert, dat gy my lange nicht screven hebben. My duncket, dat gy gram op my syn.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 401. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_401.jpg&oldid=- (Version vom 31.7.2018)
