390. Eingabe des Zeries (Caesar) Veckinchusen an das Hofgericht des Grafen von Flandern in Lille. – c. 1424.
- Rev. St.-A. Entwurf, vielfach verbessert.
Voor nedele moghende ende werde heeren hoofdredeners ons gheduchten heeren sgraven van Vlaenderen van der hoofdredennighe te Ryssele.
So toocht harde omoedelike Serris Veckenchuse als moech ten darden of naerdre van Hildebrand Veckenchuuse coopman van Lubeke in Almanien hol dat up tiden verleden de voorseide Hildebrand Veckenkuus coopman scepe dede bin der stede van Brugghe.
Gheviel dat bi aventuren de voorseide Hildebrand woorde eeneghe personen in Brugghe sculdich zekere sommen van ghelde, die hi te zire wille ende terlieder wille niet betalen en conste trac daeromme buter stede van Brucghe ende voertallen steden daer hi van nooden hadde te doene ume binnen diere tyt hem selven te reedene ende te ghekrighene dat men hem sculdich was ende omme te betaelne dat hi sculdich was.
Binnen deser tyt zo cam te Andwerpen in de herfstmaerct een Jacob de Scuetelare poorter te Brucghe de welke svoorseiden Hildebrands werd was, de voorseide Jacob sprac zo verre met den voorseiden Hildebrand met sconen woorden ende met scoonen beloften, die de voorsceide Jacob den voorseiden Hildebrand aldaer beloofde ende was an hem begherende dat hi common zoude te Brugghe, hi zoude hem goed ende ghetrauwe ziin ende hem helpen dat hi wesen zoude in behoudende stede, daer he wel wesen zoude ende vry jeghen allen denghenen wien hi sculdich wesen mochte ende voort zo zoude hi hem helpen jeghen elken sculdenaer composeeren ende pays maken ten besten dat hi zoude connen ende moghen ende waert also dat hit niet ghedoen en conste, hi zou dene weder vry ende onghecalenggeert van allen sculdenaers buten den lande van Vlaendren deliveereen, de welke voorseide belofte ghedaen bi den voorseide Jacob den Scuetelare bi zekere certificatien ghecertifyert ende gheorcondt es bi den ouderlieden van den ghemeenen coopman van der Duutscher henze nu ziinde te Brugghe in Vlaendren also het blyct bi haerlieder beseghelthede ende gescrifte, dat daer of es twelke werde heeren de voorseide Serris u presenteert te laten ziene up dat ic min heeren gheloft.
Up dese wourden ende belooften van den voornemden Jacob de Scutelaer, so cam de voornomed Hildebrand binnen der stede van Brughe ende trat bi rade van Jacob den Scuetelare upt oost proofsthe in svoorseiden Jacobs eester upte juredixie ende heerscepie van minen heere den proost van sunte Donaes te Brugghe aldaer ziinde, de voorseide Hildebrand hilt eene dachvaerd jeghen sine sculdenaers ten Jacoppinen binder stede van Brugge ende ne conste te dien tiden jeghen hemlieken niet verefferen noch verliken biden welken zii van daer schieden ende de voorseide Hildebrand trat weder int voorscreven eester, daer he ghesin hadde, omme te verbeidene offer yet goeds in eene andre tyt of commen mochte.
Naer deser tyt, wel 8 weken of der boven leden, so cam een Joris Spinghel de Genevois in Jacob Scuetelaers eester met den bailliu ende twee
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 403. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_403.jpg&oldid=- (Version vom 31.7.2018)
