commen en mach omme hemselven te verandwordene u allen ende elken zonderlinghe omoedelike supplyert ende lidt omme Gods wille, dat u wille ghelieven te oenziene ende te overmerkene de sticken ende de gheleghenthede van desen ghelike ende in der manieren dat voorscreven es als waes bi dat de voorseide Hildebrand jeghen den voorseiden Joris Spinghel te wetten ende te vonnesse commen mach als deen vrennde man jeghen den anderen, want het een swaer verdriet ende verlanghelike tyt es so langhe in vanghenessen to lecghene zonder eenich recht of vonnesse te ghecrighene of te hebbene.
Edele moghende ende werde heeren u ghelieve hier of te ghevene uwe goede hooft vonnesse naer uwer edelre werder discretie ende goeddinkene als dat de voornomed Hildebrand van desen een hende ghecrighen mach de voorbenomed Hildebrand ende alle sine vrienden zullen Gode omoedelike voor u allen bidden, die u allen beware in zaleghen levene.
391. Eingabe des Hildebrand Veckinchusen an Bürgermeister, Schöffen und Rath der Stadt Brügge. – Ende des Jahres 1424.
- Rev. St.-A. Zeitgenössische Abschrift, undatiert.
- Voer u werde moghende ende voersienighe heeren borchmesters schepenen ende raed van der stede van Brugghe.
So toecht harde omoedelike Hildebrand Vinkinchusen, coepman van Lubeke in Almanien, hoe dat he met groten onrechte ende by toedoene van Joris Spingel als heeschere, coepman van Geneven ghevanghen was upte juridixie van mynen heere den proost van Brugghe ende al daer ghevanghen heift gheleghen te Brugghe in den steen 900 ende 89 daghen niet jeghenstaende dat hirgeghen den voornomeden Joris Spingel noit coopmanscepe en dede eenighe voorwoorde tegen hem enmaecte noch eeneghe schult hem schuldich es ende dat hi ooc jeghen hem in enigher manieren noch voorwetten of anders gheobligyeret noch verbonden staet.
Voert werde heeren ghemerct dat de voornomden Hildebrand ende Joris Spingel an beeden siden zyn vremede cooplieden ende van diversen natien ende omme dies dat de voorseide Hildebrand zo langhe tyd ghevanghen gheleghen heift met onrechte alse hi hoopt an Goede dat bevonden sal worden bi rechten ende bi wetten von der vierscare van den proofsthen dar erstit van dat Joris Spinghel den voorseiden Hildebrand eerst dede vanghen ter selver vierscare in wetten langhe tyt ghehanghen heift ende noch doet met gaders ooc dat nu onlanx leden de zelve Hildebrand heift doen vanghen den voorseiden Joris Spingel upte juridicie van mynen here den prooft voorseid daer zy an beeden zyden ghewyst zyn by eenen hoofftvonnesse van den hooftrederaers myns gheduchts heren up elc andren daer ter vierscare te wetten te heesschene ende tandwoordene als van den sticken aldaer tusschen hemlieden hanghende en de es wettelike beroupen an elke zyde voor myn heeren de hooftrederaers myns gheduchts heeren te Ryssele byden welken de voornomede Hildebrand hoopst an Gode ende ant goede
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 405. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_405.jpg&oldid=- (Version vom 31.7.2018)
