Seite:Briefwechsel Hildebrand Veckinchusen 457.jpg

	Wilhelm Stieda (Hrsg.): Briefwechsel Hildebrand Veckinchusen

Item kumpt van dem wasse net	74 ℔	7 sl.	gr.
Item kumpt van dem lywande	28 „	19 „	9 ₰ gr.
Zumma 100 und	3 ℔	6 sl.	9 ₰.

Bertram Renneberch.

Gescreven dinxsedages vor pinxsten.

462. Arnt Scholte an Hildebrand Veckinchusen.

Rev. St.-A. Orig. Pap. Adr.: An Hilbrant Fickenkusen mynen goeden vrynt detur. Darunter von H. V. Hand: Arnt Schulten 29 in settember.

Hilbrant guede vrynt also als ir mir ondbueden had, dat ich bi u up den steyn komen sold mit u to spreken, darup wyt guede vrinde, dat ich dat gerne doen sold, hed ich de mu^eet. Begerdy enyge saken de ich gedaen kan um oren wil, die wil ich gerne doen. Dat schryft my in eynen brief und senden mir mit desen baede brenger deser breve. Valete in Christo.

Voert so wyt dy wool dat ich u den brief nyt du^ere versat en heb vor myn neven dan vur 31 ℔ 14 sl. 2 ₰ und also gerekent was mit Evert Roden und mit Herman mynen neven also als vur scepen bekant is und hedden de gulden nyt dan 30 gr. gegolden, ich moist u also veil ℔ gr. betalt hebben, darum so doyt woel dat gy to veil gebuert hebd und kert my dat weder, dat ich nyt vorder clagen en darf und doyt my mynen brief weder den ich u in geloiven versat heb und gy wol weyt, dat ich qualic tu kaem dat ich dat gelt vur myn neven betalen moyt, de u gesellen waren van den roden wyne, de gy samen copden und sy rekenden u 20 gulden to wynnynge van den roden wynen, da Hernic Suderman by was, darum doit wael und doyt my mynes lyftocht brief und mynen hoiftbrief van der summe van den gelde, want ich dyse brief beide weder hebben wil und hed ich dar enygen schade bi dat wil ich an u verhalen u gescriven antwert gerich van u wederum.

Arnt Scholten.

463. Tideman Semme an Hildebrand Veckinchusen in Brügge.

Rev. St.-A. Orig. Pap. Adr.: An den erbarn man Hyllebrant Vyckinghuzen to Brugge detur littera.

Mynen wylligen deynst to allen tyden und wes ik gudes vormach, wetet, leve Hillebrant, vrunt, als ik ju^e tovoren togescreven hebbe van dem gude van Berghen als ik nu^e vornomen hebbe, dat et is overkomen, warumme dat ik ju^e vruntliken bydde, dat men dat gu^et vorkope myt den eyrsten und kopz my dat payement over myt den eyrsten, wente mynes wesens en is nycht lange uppe desse tyd, so reyde ik my alle dage weder to Berghen wert. Begerde gy gychtes von dar, dat wolde ik ju^e alle wege gerne schicken und seggz mynem knechte efte dar neyne schepe reyde en weren to Berghen to zegelene, dat hey dan weder kome to Lubeke und leyve Hyllebrant, so en latet deme

Empfohlene Zitierweise:
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 457. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_457.jpg&oldid=- (Version vom 31.7.2018)