Valentynsche, Brededornsche Rosededornsche und der Poperschen jo mest. Boven al so ramet sulven des besten. Hirmede, so beholde ju Got gesunt an sele und an lyve und bedet to my, wes ic vormach und grotet Greten unse dochter ser und Gerdrut er dochter. Gscreven in des hilgen kruses dage.
489. Engelbrecht Wytte in Riga an Hildebrand Veckinchusen in Brügge.
- Rev. St.-A. Orig. Pap. Adr.: An Hyllebrant Weckinchuesen tho Bruegge dar sal desse brief. Detur littera. Darunter von H. V. Hand: 19 in october.
Das Stück ist sehr unleserlich.
Vrintlike ghrote thovoren ghescreven und wes ich ghudes vormacht tho allen tyden an mynen leven swagher Hyllebrant Veckinchuesen. Wet, dat ik juwen broder Sivert ghesant hebbe en tunneken werkes und 4 stucke wasses, dat he ju vortan senden sal. Vortmer so is in der tunne ein duesent klesaem und 5te half timmer, und 20 timmer lusens werkes und en tendelink myn dan 14 timmer harwerkes. Item so weghet de 4 stucke wasses 3 schippunt myn 25 markpunt, doet wol und doet hir dat beste by und weret, dat ju God to ghelde beriede van myner weghen, so doet wol und kopet uns jo wat lichtvar laken Popersche envaer[1] … oft twe und Valentinsche van allem wat, dar wy den besten kop an hebben und ramet des besten boven al. Vortmers so doet wol und scrivet my jue ghenuecht ho jue wylle sy, hir wer nu wol gueed kop huese, ho jue wylle dartho sy und van gueden huse koer. Wes ic dartho doen macht, dat wyl ic gherne doen und wer et, dat dar einycht kop wan solte werden, dat gy my to voerjaren senden, en huendert ofte mer. Vortmer weret, dat ghy juwer ghesellen wat herwart senden, de sendet hir tho my. Wes ic endoen macht, dat wyl ic gherne doen to allen tyden. Und wetet, dat wy wol thoreke sin und laten jue beide sere grueten und unsere dochter und Evert Znoyin enbuet vort jue beiden vele gueder nacht. Darmede wart wol und ghebietet to uns myt allem dat wy vormogen und blivet ghesunt tho ewygher tyt mytgaders. Und gruetet all vrunt sere. Ghescreven des mydwekes vor unser frouwen daghe der lateren.
490. Engelbrecht Wytte in Riga an Hildebrand Veckinchusen in Brügge.
- Rev. St.-A. Orig. Pap. Adr.: An Hyldebrant Vockynkhusen tho Brugge sal desse bref, detur.
Vruntlyken grot tovor gescreven an mynen leven swager Hyllebrant Vockynkhusen. Wetet, dat ik ju sende 1 tunne werkes, dar so is inne 5 dusent
- ↑ Loch im Papier.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 476. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_476.jpg&oldid=- (Version vom 31.7.2018)
