Summe in al dat wy wedder betalt hebben 2000 unde 62 marc 12 sl. Lub. Aldus bleve wy hirvan tachter 4 sl. Lub. unde der sy wy noch tachter unde darto noch wol 3 off 4 sl. Lub., dar wy som ghut min mosten utgheven dan wy se entfangen hadden. Aldus hebbe gy desse rekenscop hir unde ik hadde de scryft vorlecht, also dat ik dar wol ½ dach na sochte, er ik se vant.
498. Aufzeichnung Hildebrand Veckinchusens über den Stand seiner geschäftlichen Verbindlichkeiten gegenüber Engelbrecht Wytte oder seinen Erben in Riga.
- Rev. St.-A. Orig.
Int jar 1413, 21 in aprylle, do hadde ic to mynem heren to zeghen, des God ghenedych sy unde aller kerste zeylle ton ersten, dat myn wyf Grete solde hebben hat 100 marc Ryghes, do ic sey nam; dat ghelt hebbe ic noch nicht op dessen dach. Tom ersten rekenne ic dat ic mochte hebben koft in den tyden myt den 100 marken 127 Einghelsche nobbelen, dey sint op dessen dach to Bruge wert 44 ℔ 19 sl. 7 gr. Item so mochte dyt ghelt ok wol gherentet hebben bynnen 15 jaren 112½ nobelen, des so rekenne ic ok dat ic der rente nicht untfanghen hebbe, wat dey wol rentet mochten hebben in 15 jaren. Dyt sla ic ok wol 22½ nobbelen, aldus solde ic hirvorn hebben nu tohope 262 nobbelen. Dyt solde in punt groten maken tohope 92 ℔ 15 sl. 10 gr.
Item so solde my wol gheboren van puntghelde by den 40 ℔ gr. in der tyt van synem gude von puntghelde, dat hey doch eme anderen moste gheven hebben.
Item so es myr dochter Truddeken gheven 100 marc Ryghes, dey rekenne ic op 33 ℔ 6 sl. 8 ₰.
Item so hevet Greteke noch er hanttrouwe nicht unde er cronne unde er ummehanch, dey rekenne ic op 30 ℔ gr.
Item so wort my ghelovet ton mynsten to helpe to enem huse ½ last wasses, dey rekenne ic op 40 ℔ gr.
Aldus so solde my Einghelbracht sin tohope 236 ℔ 2½ sl. gr.
Item hirop so hebbe ic hir int lant sunder 42 timmer lasten – 352 ℔ 4 sl. 3 gr.
Item so hebbe ic hirop van my sant sunder crut op 189 ℔ 17 sl. 5 gr.
Aldus so solde myr vrouwen einbreken hirvan 162 ℔ 6 sl. 10 gr.
Dyt ghelt nemme ic hir einteghen dey summe gheldes, dey ic tachter byn van myns heren weghen. Aldus solde my einbreken dat my myn vrouwe schuldych solde sin 73 ℔ 15 sl. 8 gr. op desen dach.
Item sunt myr vrouwen 2 scharlaken unde 2 banklaken[1] unde crude, dat stont tohope 22 ℔ 18 sl. Aldus so solde my myn vrouwe nu schuldych sin 96 ℔ 13 sl. 8 gr.
- ↑ Schwer leserlich.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 483. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_483.jpg&oldid=- (Version vom 31.7.2018)
