Seite:Briefwechsel Hildebrand Veckinchusen 520.jpg

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

Clawes Davit de 30 ℔ grote toghesecht to gevene unde ik[WS 1] wel des besten ramen by den laken hir en tuschen to vorkopene. Mer seker Hildebrant, my dunket, dat et hir en dot strom is mit der kopenscop. Ik wel noch morghen off overmorghen enen terlink van juwen Tomaschen laken tomaken laten, dat ik meine, dat hir ghadingge wesen sole to vorkopene, unde de andere denke ik to Prutzen wart to sendene.

Item, Hildebrant, ik wel des besten ramen, by der zyden to vorkopene. Ik wolde, dat wy van der witten syden en luttik hedden, gheve Got, dat de witte syde queme, so ramet des besten. Ik wolde, dat gy uns de 12 ℔ ghekofft hedden, dar gy my latesten van screven. Item alse gy my screven hebben, dat ik wes kopen solde op dat ghelt, dat men uns schuldich is van der syde. Hildebrant gy hebben wol vornomen, dat men werk unde was nowe bekomen kunde ume rede ghelt, doch alse my solk dink vallen kan, so enwel ik unser nicht vorgheten.

Item, Hildebrant, so quam Hans Honsten dallink ut Prutzen her unde de brachte my en breveken van Tideman Swarten, dar screvet he my inne, dat ik ju scriven sole, dat he den terlink mit den Warstenschena) wol entfangen unde ok vorkofft hefft, dat laken vor 7 mark Prusch. Hildebrant, dat dunket my gut ghelt wesen; vort so dunket my, dat he de grone engwer noch nicht vorkofft en hevet. Item, Hildebrant, so en hevet he my nein dink ghesant van juwer wegene. Hirmede blivet ghesunt. Gescreven des midwekens vor palmen anno 14.

Item, Hildebrant, Merten, min swagher, hevet mit Willem Schoneweder des koninges bordurwer van Denemarkere to worde west mit unsen 4 Yperschenb) laken to betalene op pinxsten nu hevedet Merten aldus langhe op my toghert alse wy uns nu vorghadert, iz et dat he de laken kopen wil, so wel ik eme seggen, de laken horen ju to ume vele dingges willen, wo en dink vallen mochte.

Item, Hildebrant, de muschaten unde ok ander dink were ovel geven ume so vele gheldes, alse gy my screven hebben doch wes gy don, dat blivet dar wol by. Item ramet des besten by deme wasse unde werke to vorkopene. Item ik en wet noch nicht wat uns Evert vor dat scharlakenc) senden wel.


105 a. Tideman Brekelvelde (in Lübeck) an Hildebrand Veckinchusen in Brügge. – 1415 Juli 1.

Rev. St.-A. Orig. Adr.: An Hildebrant[WS 2] Veckinchusen to Brugge littera detur. In dorso von der Hand des Empfängers: 1415, 12 in jullejus.

Vruntlike grote unde wes ik gudes vormach. Hildebrant, gude vrunt, ik hebbe juwe breve vuste al wol vornomen unde ok so hebbe ik ju vuste antworde weder screven. Ik hadde nu in 7 dagen van Tideman Swarten enen breff, de was ghescreven 3 wecken na pinxsten.[1] Op de tyt do en weren

  1. ↑ 1415, Juni 9.

Sprach- und Sachkommentar

  1. ↑ Nach der wallonischen Stadt Warneton benannte Tuchsorte.
  2. ↑ Nach der westflandrischen Stadt Ypern benannte Tuchsorte.
  3. ↑ Scharlach

Anmerkungen (Wikisource)

  1. ↑ Vorlage: k
  2. ↑ Vorlage: Hildberant
Empfohlene Zitierweise:
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 520. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_520.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_520.jpg&oldid=3224871“