Bedericus comes, Bernhardus advocatus de Plozeke, Olricus dapifer de Wilsleve, Heynricus et Zlanco fratres de Analenburch, Alexander de Tuchin, et alii quam plures tam
clerici quam laici.
Actum anno gratie mo.ccoxxviijo, concurrente vja, indictione ja, epacta xxiija 1.
(1228.) October 31. Neuwerk bei Halle. Schreiben des Bischofs Gernand von Brandenburg und des Propstes Heinrich von Mildensee an den Erzbischof Albrecht I von Magdeburg in Bezug auf den Rücktritt des Bischofs Bruno von Meissen von diesem seinem Bisthum.
Reverendo domino suo Alberto1 Magdeburgensis ecclesie archiepiscopo, legato et comiti Romaniole, Gernandus1 Dei miseratione Brandeburgensis episcopus, Heinricus1 de Myldense prepositus debitum omnimode subventionis et reverentie famulatum. Cessionem domini Misnensis episcopi recepimus in hunc modum. Dominus episcopus, inbecillitate corporis prepeditus et forsitan rerum gerendarum coram nobis aliquo rubore suffusus, ad diem non venit indictum. Misit autem ad nos prepositum, decanum et capitulum nomine procuratorio cum litteris procurationis continentibus, habiturum se per omnia ratum et firmum, quidquid idem suum capitulum ipsum super negotio nobis commisso decerneret esse facturum. Misit et litteras cessionis cessionem suam satis legitime continentes. Sane visum nobis extitit, non esse recipiendam huiusmodi cessionem propter plures causas iuris et consuetudinis a nobis prepositas diligenter. Quocirca instante capitulo modis omnibus et petente, ut ad salvationem status ecclesie cessationem ipsam non recusaremus accipere, allegante nichilominus causas quasdam probabiles sui metus circa mobilitatem et mutabilitatem domini episcopi propter eius familiam querulantem et promittente nobis in hoc facto fidem suam puram et sinceram negotii gestionem, nos tandem vidimus expedire recipi cessionem de consilio domini Merseburgensis, qui presens nobis assedit. Verum ut cessio ipsa fortius firmaretur, nos a capitulo et ministerialibus quibusdam2 Misnensis ecclesie tunc presentibus duo recepimus sacramenta, unum de plene voluntaria cessione, de qua suam expressit dominus episcopus voluntatem, quam se audisse ipso sacramento firmarunt, alterum vero de manutenenda cessione huiusmodi et modis omnibus defendenda, si forsitan tenera mobilitas et vaga mutabilitas domini episcopi contrarium resonaret. Receptis itaque sacramentis recepimus cessionem per patentes litteras continentes eam expresse. Litteras quoque procurationis recepimus in adminiculum evidentie huius facti, sed et episcopale sigillum nobis fecimus exhiberi, quod securi rumpi iussimus coram nobis, cuius unam partem capitulo reliquimus et vobis alteram presentamus. Hiis gestis capitulo assignavimus terminum eligendi, diem videlicet beati Andree apostoli, infra quem vel etiam in quo ydoneum sibi pastorem eligerent gratia sancti spiritus invocata. Et ipsi quidem hoc termino cum gratiarum actione recepto ad propria sunt reversi.
Actum Halle, pridie Kal. Novembris, in domo hospitum sancte Marie Novi Operis.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 79. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_079.jpg&oldid=- (Version vom 31.7.2018)
