observetur, presentem paginam conscribi fecimus super eo et nostri sigilli munimine
roborari. Testes huius rei sunt: Olricus de Willesleve dapifer noster, Heinricus frater
suus, Conradus Slichtinc ministerialis noster, Heinricus de Groninge, Waltherus plebanus
de Berneburch, Helenbertus de Hekelinge, Fridericus de Swechtinc pincerna noster, et
alii quam plures tam clerici quam laici.
Acta sunt hec ab incarnatione Domini anno mo.cco.xxoviiijo. Datum per manum magistri Waltheri plebani de Berneburch, ij Nonas Augusti, in castro Berneburch.
1229. August 4. Im Schloss Bernburg. Dietrich, Propst des Klosters auf dem Petersberge bei Halle, verpflichtet sich und sein Kloster, dem Grafen Heinrich I von Ascharien und dessen Nachfolgern als Gegenleistung für die in no. 100 gewährte Befreiung des Dorfes Hizzekendorf jährlich zwei Fuder Wein nach Bernburg oder Lopene zu liefern.
In nomine sancte et individue trinitatis Tidericus Dei gracia prepositus ecclesie Montis Sereni. Ut ea, que geruntur in tempore, non labantur cum tempore, debent et a voce testium et per scripture beneficium stabile sumere firmamentum, ne per oblivionis incommodum in recidive questionis scrupulum relabantur. Notum igitur esse volumus tam presentibus quam futuris, quod dominus Heinricus Dei gracia comes Ascharie et princeps de Anehalt villam ecclesie nostre, que vocatur Hizzekendorp, prope Stenvorde cum omnibus suis adtinenciis liberam esse decrevit et immunem ab eo, ab omni servicio, quod homines dominis suis temporalibus facere consueverunt in arando, in seminando, in metendo, ad Castrum vel ad molendinum contra iusticiam serviendo vel aliud quodcunque opus indebite faciendo. Indulsit eciam hominibus dicte ville, quod nullus advocatus vel villicus vel preco ipsius aliquam potestatem habeat in eos exactionem precariam faciendi. Et iidem homines ad quodcunque voluerint molendinum poterunt accedere sine vara. Preterea homines predicte ville ab omni ipsius domini comitis erunt liberi placito provinciali, quod vulgariter lantich1 vocatur, et quicunque habuerit causam contra homines sepe dictos, coram nobis vel nostro nuncio in eadem villa querimoniam deferret1 et deponet. Si autem talis causa exstiterit, que non nisi per iudicium mortis terminari potuerit, quemcunque voluerimus unum de domini comitis ministerialibus loco nostro statuemus vicem nostram ipsi committentes, ut per eius auxilium et consilium in tali causa iuste et debite iudicetur. Pro hac igitur indulta nobis libertate et gracia ecclesia nostra de Sereno Monte dabit domino comiti et heredibus ipsius singulis annis duas karratas vini, quamdiu hec forma indulte libertatis fuerit ab ipsis ecclesie nostre inviolabiliter observata. Vinum predictum ducent homines ecclesie nostre Berneburk vel Loppene, secundum quod eis per nuncium domini comitis fuerit intimatum. Pro vasis autem vinariis, in quibus vinum ductum fuerit, alia vasa singulis annis ecclesie nostre restituentur. Ut igitur hoc factum nostrum firmum et inviolabile
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 83. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_083.jpg&oldid=- (Version vom 31.7.2018)
