1232. Mai 26. Magdeburg. Das Magdeburger Domcapitel über die demselben vom Ritter Alexander von Tuchen zu Paschleben überwiesenen Einkünfte.
Willebrandus1 Dei gratia prepositus, Fridericus1 decanus totumque sancte Magdeburgensis ecclesie capitulum omnibus imperpetuum. Liberalis voluntas per merita bonorum operum frequenter ostensa favorem meretur et gratiam et torporem ingratitudinis per meritorum frequentiam potenter expellere nititur et expellit. Inter cetera caritatis opera, quibus Allexander miles de Tuchem, confrater noster, ecclesie nostre beneficus extitit, nova veteribus beneficiis accumulans, de novo viginti choros tritici pro ducentis marcis pecunie sue in proprietate ville Pazleve ecclesie nostre comparavit, quod ad usus suos diebus vite sue sibi reservavit. Et ut sine difficultate annuatim sibi solvantur, elegit fideiussores quatuor canonicos ecclesie nostre, qui eandem annonam provide ministrabunt, quorum aliquo decedente alius in locum eius succedet ad idem faciendum. Post obitum vero dicti confratris nostri quindecim chori dicte annone deservient capitulo nostro imperpetuum in hunc modum. In diebus serviciorum, quibus tum simila serviri non consuevit, simila de eadem ministrabitur annona, in quantum vires eiusdem sufficiunt annone, de residuis quinque choris dabitur in anniversario eius quadrans camerariis et ecclesiasticis nostris, qui pro tempore fuerint, septem quadrantes2 ad elemosinas pauperum, dimidius chorus ecclesie sancti Johannis baptiste de Monte, dimidius chorus ecclesie sancte Marie, dimidius chorus fratribus predicatoribus sancti Pauli, dimidius chorus ad sanctum Laurentium, dimidius ad sanctam Agnetem nove civitatis cenobiis, dimidius leprosis. Hanc ordinationem unanimi consensu capituli nostri ratam habemus et presenti cartula sigilli nostri appensione roborata stabilem esse volumus communitam. Huic ordinationi et approbationi interfuerunt: Ludolfus magister Moguntinus, Wernerus prepositus in Hunoldesburch, Kraffto cellerarius, Albertus prepositus sancti Sebastiani, Ludolfus de Indagine, Thymmo, Ropertus, Bruno Lubicensis prepositus, Wernerus de Kercberch, Albertus prepositus sanctorum apostolorum Petri et Pauli nove civitatis, Arnoldus scolasticus, Theodericus de Thobin canonici Magdeburgenses, et alii, quorum nomina ignoramus.
Acta sunt hec in ecclesia nostra, anno dominice incarnationis mo.cco.xxxijo, vij Kal. Junii.
1233. März 10. Güstrow. Fürst Nicolaus I von Rostock bewidmet unter Zustimmung seiner Gemahlin Jutta (von Anhalt) das Kloster Amelungsborn.
In nomine sancte et individue trinitatis Nicolaus dominus de Rozstoc universis presentem paginam inspecturis in perpetuum. -- Universis igitur Christi fidelibus — notum facimus, quod nos pro remedio anime nostre et pro peccaminum nostrorum obtinenda remissione dilecte nobis ecclesie Amelunxbornensi, Cisterciensis ordinis, Hildeshemensis
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 92. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_092.jpg&oldid=- (Version vom 31.7.2018)
