statui succursum celerem studeat impertiri, cui prestaudi subsidium oportunitaa
tollitur, nisi prius discordes in pacis federa reformentur, et carissimus in Christo filius
noster Fridericus Romanorum imperator - id paratus sit magnifice prosequi, per quod
tam ecclesie quam imperii iura favente Domino valeant obtineri, nobilitatem tuam rogamus et obsecramus in Domino Jesu Christo, in remissionem tibi peccaminum iniungentes,
quatenus prudenter advertens, quam sit tibi honorabile, quam salubre, si celi regem
pro temporali devotionis obsequio tibi constituas ad dandum felicitatis bravium obligatum, ad subventionem ecclesie te studeas communire ita, quod ecclesia proximo futuro Martio te personaliter decenti militia comitatum, que in expensis tuis per tres
menses preter tempus, quo veniet et recedet, ad eiusdem obsequia commoretur, vel saltem iam dictam militiam, si venire nequiveris, cum exultatione recipiat ac tuis et aliorum expedita subsidiis ad redemptoris gloriam in pacis gaudio reflorescat sicque fiat,
quod ex hoc tibi a sede apostolica plenitudo favoris et gratie ac tandem proveniat retributionis premium sempiternum.
Datum Perusiis, v Kalendas Decembris, pontificatus nostri anno octavo. (In eundem modum scriptum est duci Austrie et Styrie; duci Karinthie; item comiti palatino Rheni et duci Bawarie; item lantgravio Thuringie et palatino comiti Saxonie; item marchioni Misnensi et Landespergensi; item marchionibus Brandenburgensibus, ut alter eorum veniat; item duci Saxonie; item palatino comiti de Tuingen, item comiti Ascarie, quod veniat vel mittat filium suum; item duci Lotharingie; item marchioni de Baden; item duci de Lemburch; item duci Brabantie; item comiti Hollandie, item comiti Seinensi; item comiti de Gelre; item comiti Clevensi, ut veniat vel filium suum mittat; item comiti de Hennenberch, ut veniat vel filium suum mittat; item comiti Tyrolensi, ut veniat; item comiti de Gorze; item marchioni de Moravia; regi Boemie, fratri eiusdem marchionis, ut det ei subsidium in militibus.)
1234. Nienburg. Abt Isaac von Nienburg und der dortige Klosterconvent treffen Bestimmungen über drei Hufen Landes zu Eseritz, welche Berta von Gronenberg, Alberts von Eseritz Wittwe, vom Kloster zu Lehen hat.
In nomine Domini Isaac Dei gratia abbas ac humile collegium Niemburgensis monasterii omnibus hoc scriptum visuris veram in Domino caritatem. Quoniam, ut dicit canon, universitatis constitutio, si non sit iuri contraria, apud constituentes obtinet non immerito vicem legis, ideo ego Isaac abbas ac universitas fratrum monasterii Niemburgensis quandam constitutionem ecclesie nostre utilem, rationabilem et honestam inter nos concorditer duximus faciendam, que in scriptis redacta aput nos et nostros posteros habere debebit optime robur legis. Proinde noverint universi, quod nos voluntate unanimi et consensu de tribus mansis in Ezrizk, quos domina Berta de Groneberch, vidua
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 102. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_102.jpg&oldid=- (Version vom 31.7.2018)
