Seite:DE CDA 2 185.jpg

	Otto von Heinemann (Hrsg.): Codex diplomaticus Anhaltinus. Band 2.

memorie et antecessoribus nostris hactenus habuerunt, in infinitum volumus permanere, ea conditione tamen, quod de omnibus bonis ipsorum ad claustrum, districtum et terram pertinentibus¹ pro teloneo et conductu dent nobis annis singulis sex modios siliginis et non ultra. In cuius rei testimonium, ne cuiquam super eo in posterum dubium aliquod oriatur, presentes litteras confecimus et sigillorum nostrorum munimine fecimus¹ roborari.

Datum Calve, anno Domini m.cc.lviiij, ij Idus Julii.

Aus einer Abschrift in den Papieren Manns (Haus- und Staatsarchiv zu Zerbst). - 1. Fehlt im Mspt.

247.

1259. August 27. Magdeburg. Erzbischof Rudolf von Magdeburg schenkt dem dortigen Domcapitel die Vogtei von 15 Hufen Landes zu Nauelbeke, mit welcher Graf Siegfried I von Anhalt belehnt war.

Rodolphus Dei gratia sancte Magdeburgensis ecclesie archiepiscopus omnibus presentes litteras inspecturis salutem in Domino. Ne ea, que a nobis rite aguntur, tollat oblivio, placuit ipsa scripture testimonio commendari. Recognoscimus ergo et tenore presentium protestamur, quod nos, dilecti nobis Roperti decani maioris ecclesie nostre precibus inclinati, advocatiam de xv mansis in villa Nauelbeke sitis, quam tenuit a nobis comes Syfridus de Anhald, donavimus capitulo nostro maiori cum omni iure perpetuo possidendam, ymmo etiam a nostra et omnium successorum nostrorum iurisdictione predicto capitulo liberam dimisimus et exemptam. In cuius rei testimonium, ne cuiquam super eo dubium aliquod oriatur, presentes litteras conscribi fecimus et sigilli nostri munimine roborari. Testes huius rei sunt: Wernerus¹ de Kirberg² vicedominus, Conradus³ de Sternberg cellerarius, Arnoldus canonicus sancti Nicolai; layci Gevehardus de Grunenberg, Arnoldus de Drenleve, et alii quam plures.

Datum Magdeburg, anno Domini m^o.cc^o.lix^o, vj Kal. Septembris, pontificatus nostri anno sexto.

Aus dem Magdeburger Copialbuche im Haus- und Staatsarchive zu Zerbst. - 1. Mspt. nur: Wer. - 2. Mspt: Kiberg. - 3. Mspt. nur: C.

248.

1259. September 10. Gloworp. Herzog Albrecht I von Sachsen bewidmet in Gegenwart seines Neffen, des Grafen Heinrich II von Anhalt, das Kloster Michaelstein mit zwei Hufen Landes in Gross-Winningen.

In nomine sancte et individue trinitatis Albertus Dei gratia dux Saxonie, Angarie et Westfalie in perpetuum. Malicia temporis nos impellit, ut facta et donaciones, que ad honorem Dei et ecclesiarum eius fiunt, contra modernorum versucias taliter muniamus, ut a nullo imposterum valeant inpediri sive etiam retractari. Inde siquidem est, quod notum esse cupimus tam presentis temporis quam futuri Christi fidelibus universis,

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 185. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_185.jpg&oldid=- (Version vom 31.7.2018)