Seite:DE CDA 2 224.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Otto von Heinemann (Hrsg.): Codex diplomaticus Anhaltinus. Band 2.

bonis in Estelendorp, sicut diximus, supradictis. Nos autem satisfacere volentes ecclesie sancte Marie Sedis iuxta Egelen Kocstede venimus die quadam dominica coram communi populo in ecclesia, de omni iure, quod nostre curie videri posset atingere de eisdem mansis, renunciavimus³ liberaliter et absolute. Et ne alicui in posterum de nostris successoribus aliqua valeat ambiguitas de hac vendicione nostra emanare, presens scriptum dicte ecclesie Sedis sancte Marie dedimus⁴ cum apensione nostri sigilli et nominibus prelatorum nostrorum, in quorum presencia fuit empcio supradicta, cum fieret, terminata. Acta sunt hec in capitolio sancti Stephani maioris ecclesie Halberstad, presentibus scilicet domino nostro venerabili et patre nostro episcopo Vulrado, Hermanno preposito, Wiggero decano, cum aliis eiusdem ecclesie prelatis et canonicis. Datum anno gratie m^o.cc^o.lxv^o, feria tercia post festum beati Jacobi apostoli.

Aus dem Original im Pfarrarchive zu Egeln, mit dem an grüner Seidenschnur hängenden wohlerhaltenen Siegel des Ausstellers. - 1. Orig: memorie. - 2. Orig: silicet. - 3. Orig: renuctiavimus. - 4. Fehlt im Orig. - Ueber die Maketserve vergl. v. Mülverstedt in den N. Mittheill. des thüring.-sächs. Vereins X. 2. 237 ff.

306.

1265. November 26. Magdeburg. Erzbischof Ruprecht von Magdeburg bestätigt auf Bitten des Grafen Siegfried I von Anhalt die Schenkung von des letzteren Vater an das Collegiatstift zu Coswig, bestehend in der Kirche zu Paschleben.

Ropertus Dei gratia sancte Magdeburgensis ecclesie archiepiscopus omnibus presentibus et futuris in perpetuum. Libenter votis annuimus supplicancium et illis potissime, quibus liberalitas et pietas causam prebet. Dilecti igitur in Christo viri illustris comitis Siffridi de Anhalt nobis supplicantis, quod, cum pater suus felicis recordacionis Hinricus, quondam comes Ascharie, ecclesiam in villa Pasleve de consensu suorum heredum canonicis beate virginis in Coszwik ad emendacionem prebendarum suarum intuitu divine pietatis contulerit¹, donacionem ipsam ratam habere ac eciam confirmare vellemus, precibus ac magistri Werneri canonici eiusdem ecclesie frequenti instancia inclinati, donacioni predicte consentimus et eam ratam ac gratam habentes auctoritate nostra curavimus confirmare, concedentes canonicis supradictis, ut temporalia omnia prefate ecclesie de Pazleve percipientes fructus suarum ex hiis amplificent prebendarum, preter sex mansos, tres areas et salictum et preter quasdam prestaciones, ad quas homines ecclesie de Pazleve pro recognicione servitutis in morte tenentur, que omnia apud ipsam ecclesiam in Paszleve ad sustentacionem presbiteri seu rectoris, quem dicti canonici pro tempore ad eam duxerint presentandum, sine diminucione qualibet volumus perpetuo permanere, ut ex hiis ecclesie onera subeat et supportet. Ut autem hec nostra confirmacio robur debite firmitatis sortiatur, presentem paginam ipsis damus in testimonium sigilli nostri munimine roboratam.

Datum Magdeburg, anno Domini m^o.cc^o.lxv^o, vj^o Kalendas Decembris, pontificatus nostri anno sexto.

Aus dem Coswiger Copialbuche im Haus- und Staatsarchive zu Zerbst. - 1. no. 160.

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 224. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_224.jpg&oldid=- (Version vom 31.7.2018)