Seite:DE CDA 2 253.jpg

	Otto von Heinemann (Hrsg.): Codex diplomaticus Anhaltinus. Band 2.

Aus dem Original im Staatsarchive zu Magdeburg: angehängt an Pergamentbändern sind die beschädigten Siegel des Herzogs Albrecht von Braunschweig und das gemeinsame Siegel der beiden Aussteller (Taf. II. 1). - 1. So im Orig.

348.

1268. Juni 22. Viterbo. Papst Clemens IV nimmt das Kloster Nienburg in seinen Schutz und bestätigt demselben seine Rechte und Besitzungen.

Clemens episcopus, servus servorum Dei, dilectis filiis abbati monasterii sancte Marie et sancti Cipriani martiris in Niemburch eiusque fratribus, tam presentibus quam futuris, regularem vitam professis in perpetuum. Religiosam vitam eligentibus apostolicum convenit adesse presidium, ne forte cuiuslibet temeritatis incursus aut eos a proposito revocet aut robur, quod absit, sacre religionis infringat. Eapropter, dilecti in Domino filii, vestris iustis postulationibus clementer annuimus et monasterium sancte Marie et sancti Cipriani martiris in Niemburch, Magdeburgensis diocesis, in quo divino estis obsequio mancipati, sub beati Petri et nostra protectione suscipimus et presentis scripti privilegio communimus, in primis siquidem statuentes, ut ordo monasticus, qui secundum Deum et beati Benedicti regulam in eodem monasterio institutus esse dinoscitur, perpetuis ibidem temporibus inviolabiliter observetur. Preterea quascumque possessiones, quecumque bona idem monasterium impresentiarum iuste et canonice possidet aut in futurum concessione pontificum, largitione regum vel principum, oblatione fidelium aut aliis iustis modis prestante Domino poterit adipisci, firma vobis vestrisque successoribus et illibata permaneant, in quibus hoc propriis duximus exprimenda vocabulis: locum ipsum, in quo prefatum monasterium situm est, cum omnibus pertinentiis suis, terras, possessiones et cetera bona, que quondam Gevehardus abbas monasterio vestro iusto emptionis titulo acquisivit¹, videlicet in villa Collendorp octo mansos cum pertinentiis suis, in Henrikesdorp novem mansos cum omnibus pertinentiis suis, in Rodeniz quintum dimidium mansum cum areis, pratis, pomariis, usuagiis et cum iurisdictione temporali seu advocatia, quam in locis obtinetis predictis, in Risdorp molendinum cum aquarum decursibus et undecim mansos cum universis pertinentiis eorundem, villam de Emmenlo, in Wichardedorp tres mansos, in Redstede curiam unam, in Tribule sedecim mansos cum pratis, pascuis, silvis, stagnis et omnibus pertinentiis suis, in Tortin decem et octo mansos cum usuagiis et usibus et omnibus pertinentiis suis, in Ecstede unum mansum, in Droguce tres mansos², in Edeleresdorp tres mansos, in Wilkenic duos mansos, in Snetlinge duos mansos et unam aream cum omnibus pertinentiis suis, in Gersdorp unum mansum, in Leverekesdorp quinque mansos et dimidium, in Luckesdorp septem mansos et dimidium cum terris, pratis, vineis, nemoribus, usuagiis et pascuis in bosco et plano, in aquis et molendinis, in viis et semitis et omnibus aliis libertatibus et immunitatibus suis. Sane novalium vestrorum, que propriis manibus aut sumptibus colitis, de quibus aliquis hactenus non percepit, sive de vestrorum animalium nutrimentis nullus a vobis decimas exigere vel extorquere presumat. Liceat quoque vobis clericos vel laicos liberos et absolutos e seculo fugientes ad conversionem recipere et eos absque contradictione aliqua retinere. Prohibemus insuper, ut nulli fratrum

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 253. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_253.jpg&oldid=- (Version vom 31.7.2018)