1272. Februar 28. Stassfurt. Die Herzöge Johann I und Albrecht II von Sachsen über die von ihnen namens der minderjährigen Kinder Heinrichs von Plötzke geführte Verwaltung der Vogtei zu Aderstedt.
Nos Johannes et Albertus Dei gratia duces Saxonie, Angarie et Westfalie, burgravii Maydeburgenses, universis affectum in Domino salutarem. Cum iura ecclesiastica sive ecclesiarum non minui sed potius augeri debeant, et a quibus possunt, ut ecclesie singule piis libertatibus contente laudabiliter exinde valeant exultari, hinc est, cum dominus Hinricus bone memorie de Ploceke carnis debitum persolvisset et ipsius heredes ad annos legittimos minime pervenissent, et nos advocatiam in Aderstede cum ceteris bonis ratione tutele aliquo tempore teneremus, procuratores curie ibidem nos sepius rogaverunt, ut ipsi advocatie preessemus, secundum quod ipsorum possent privilegiis demonstrare, id nos ad instantiam ipsorum decrevimus firmiter observari. Et ne videremur dare viam aliis delinquendi nil magis recognoscimus aliis commisisse nec in pheodo contulisse, cum etiam nemo possit plus iuris in alium transferre, quam ipsum constet habere, iuxta canonicas sanxiones. Ut etiam veritati testimonium apponatur, presentem paginam nostrorum sigillorum appensione ad maiorem evidentiam iussimus communiri. Huius rei testes sunt: dominus W., Anno de Sydowe, Johannes de Gatersleve. Datum Stasferde, anno Domini moccolxxijo, dominica Exurge quare, iijo Kal. Marcii.
1272. April 28. Ascharien. Die Grafen Otto I und Heinrich III von Ascharien bewidmen das Kloster Adersleben mit acht zehntfreien Hofstellen, einer Strasse und dem Patronat über die Kirche daselbst.
Nos Otto et Hinricus fratres comites Ascharie et principes de Anhalt omnibus in perpetuum. Quoniam labilis est hominum memoria, debent ea, que aguntur in tempore, perhennari scripture et testium munimento. Hinc est quod notum esse cupimus universis Christi fidelibus audituris presentia et visuris, quod viij areas ab omni decima liberas et exemptas, integram plateam in villa Adesleve, preterea ecclesiam in eadem villa, cuius ad nos pertinet patronatus, cum omnibus attinentiis claustro dominarum sito in sepedicta villa nec non claustralibus ibidem Deo famulantibus perpetuo in remissionem nostrorum peccaminum contulimus possidendas. Insuper nos presentibus obligamus, quod dictum claustrum volumus super donis a nobis rite celebratis, si opus fuerit, ab impetitione quorumlibet expedire. Ne autem super hoc dubium oriatur, ad evidentiam veritatis presens scriptum sigilli nostri munimine duximus roborandum. Huius rei testes sunt: dominus Henningus de Monte, Arnoldus de Monte, Olricus de Wedesdorp, Hinricus de Wedesdorp, Olricus marscalcus, Rodolfus de Haselendorp, Johannes
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 289. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_289.jpg&oldid=- (Version vom 31.7.2018)
