ecclesiam Halberstadensem remaneat pleno iure. Huius rei testes sunt: honorabiles domini Hermannus prepositus, Wicgeros decanus, Wedekindus de Nuenborch prepositus in
Heyligenstat, Henricus de Drondorp, Albertus custos, Bertoldus de Clettenberch,
Christianus scolasticus, Hermannus de Hodenhagen, Ludegerus Struz, Guntherus vicedominus, Ludolfus de Dalem, Anno de Heynborch, Heydenricus de Scartvelt, Ghevehardus cellerarius, Thidericus de Hessenem, Conradus de Dorstad, Hermannus portenarius, Ericus de Brandeborch prepositus ecclesie sancti Bonifacii, Rodolfus de Gatersleve, Reynardus de Cranicfelt, Thidericus de Anvorde et Heydenricus de Querenvorde,
Halberstadensis ecclesie canonici; layci autem et domini Fridericus de Valkensten,
Henricus de Blankenborch, Henricus de Kercberch comites, Wernerus et Hugoldus de
Scerenbeke nobiles, ministeriales autem Alvericus pincerna de Donstede, Albertus de
Cocstede, Johannes de Wedersleve, Ghevehardus de Slaghe, Olricus de Amvorde milites,
et alii quam plures. Ut autem ea, que premissa sunt, a nullo calumpniari valeant seu
infringi, presentem paginam inde conscriptam et sigilli nostre ecclesie munimine roboratam prefato domino nostro Volrado Halberstadensi episcopo et sue ecclesie in testimonium perpetuum duximus erogandam.
Datum anno Domini mo.cco.lxxiij, pridie Nonas Decembris.
1273. December 4. Halberstadt. Bischof Volrad von Halberstadt überträgt die durch die Aebtissin und den Convent des Klosters Hadmersleben von den Gebrüdern Konrad und Johann von Zehringen zurückgekaufte Vogtei des Klosters Hadmersleben, wozu auch das Allodium in Alickendorf gehört, unter gewissen Bedingungen dem genannten Kloster.
In nomine Domini amen. Volradus Dei gratia Halberstadensis ecclesie episcopus, Hermannus prepositus, Wicgerus decanus totumque eiusdem ecclesie capitulum omnibus in perpetuum. Noverint universi Christi fideles presentis temporis et futuri, quod, cum ecclesia in Hadhemersleve maximam pateretur et dudum per advocatos ipsius ecclesie passa fuerit lesionem, dilecti nobis in Christo domina Facia abbatissa et prepositus Conradus eiusdem ecclesie sua providentia a Conrado et fratre suo Johanne de Tzeringe, ipsius ecclesie advocatis, redemerunt1 pro ducentis marcis Halberstadensis argenti, quatuor minus, qui eandem advocatiam super curia claustrali in Hadhemersleve cum triginta mansis et super allodio in Alekendorp cum octo mansis et super allodio in Werthusen cum quatuor mansis et super allodio in Hondorp cum novem mansis et super allodio in Heteborne cum tribus mansis et super uno manso in Cokstide et hominibus ad eandem advocatiam spectantibus et super triginta mansis et omnibus areis ecclesie in Hadhemersleve ibidem, in Alekendorp et in Nienstide sitis et super pratis, silvis et omnibus attinentiis eorundem a nobilibus viris, scilicet Borchardo comite de Mannesfelt bone memorie
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 306. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_306.jpg&oldid=- (Version vom 31.7.2018)
