1275. Magdeburg, in dem Hause der Templer. Graf Konrad von Bren bewidmet das Nicolaistift zu Magdeburg mit Gütern und Rechten zu Siglitz.
In nomine sancte et individue trinitatis Conradus Dei gratia comes de Brene1 omnibus presentes litteras inspecturis in perpetuum. Cupientes facta nostra, ea potissime, que piis locis et maxime ecclesiis exhibemus, immutabilia permanere, per scripturam ea deducimus in publicam notionem. Sciant igitur presentes et posteri universi, quod nos duos mansos, quos habent filii Henrici, et dimidium mansum, quem habet Fritzo nomine, in villa Ciliz et duas areas in eadem villa et vineam unam dicte ville adiacentem cum iure patronatus ecclesie ipsius ville, advocatia et certis attinentiis, que viri nobiles Burchardus et Gevehardus fratrueles de Querenvorde de manibus nostris usque ad hec tempora in feudali beneficio tenuerunt, ad intercessionem ipsorum instantem et pro remedio anime nostre, resignatione dictorum bonorum primitus ab ipsis recepta, ecclesie beati Nicolai in Magdeburg et canonicis eiusdem in proprietatem donavimus et tradidimus pleno iure perpetuo et pacifice possidendum. In cuius rei testimonium presens scriptum damus nostri sigilli robore communitum pro nostris heredibus, quod nostram donationem et traditionem predicte ecclesie factam ratam habere debeant, nos presentibus obligantes. Testes huius donationis et traditionis sunt isti: Godefridus de Querenvorde cantor et Ropertus nepos eius, canonici Magdeburgenses. Acta sunt hec Magdeburg apud sanctum Sebastianum, in curia2 Templariorum, anno Domini m.cc.lxxv.
(Um 1275.) Burggraf Otto von Wettin benachrichtigt den Grafen Siegfried I von Anhalt, dass er der Marienkirche zu Coswig drei Hufen Landes und eine Curie zu Gnetsch übereignet habe.
Illustri principi domino suo Sifrido1 comiti de Anhalt Otto1 Dei gracia burgravius de Wetin obsequium in omnibus tam debitum quam sincerum. Dominacioni vestre presentibus cupimus esse notum, quod nos iij mansos et curiam unam in villa Gnytz, que Ordeko de Pasleve in feodo tenebat a nobis, propter merita et servicia ipsius. et precipue propter tenuitatem ecclesie beate Marie in Cozwik in proprietatem liberam contulimus pleno iure, pro nobis et nostris heredibus promittentes canonicis eiusdem ecclesie, quod donacionem nostram factam innovare vel confirmare in iudicio comitis Ascharie, cum ipsum eidem presidere contigerit, debeamus, quod coram vobis hiis litteris protestamur, et preterea eisdem in hoc erimus obligati, quod neque soror nostra neque aliquis alius in predictam donacionem nostram aliquid attemptabit.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 341. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_341.jpg&oldid=- (Version vom 31.7.2018)
