Seite:DE CDA 2 403.jpg

	Otto von Heinemann (Hrsg.): Codex diplomaticus Anhaltinus. Band 2.

cum fratre suo, uxore, filiis et filiabus suis et heredibus universis coram probis viris, clericis, militibus et laicis, supradictum molendinum, quod ad naves dicitur, benivole resignasse. Cuius facti evidenciam, ne scrupulus dubietatis emergat vel imposterum aliquod impedimentum molestie interveniat, sub quatuor sigillorum appensione, videlicet domine nostre de castro², comitis Alberti de Rhegensten, burgensium Quedelingeburgensis civitatis, nostre ecclesie, presentibus litteris protestamur. Huius rei testes sunt: dominus Reineco de Tzelige, dominus Bernardus dictus Mor, dominus Wolraven milites; clerici vero dominus Coze, dominus Rudolfus, Hinricus, Heydenricus; laici: consules dominus Johannes Luckardi iudex, Johannes Daz, Johannes Smalt, magistri civium Conradus de Blankenborg, Fredericus Pistor, Henricus de Ammendorp, Bernardus de Heghelen, Johannes Hartvici, Conradus de Soltove, Conradus Molendinarius, Conradus et Johannes de Haslevelde, Bernardus Zabel, Johannes Mabel, et alii quam plures fide digni.

Acta sunt hec anno Domini m^o.cc^o.lxxx^oiiij, feria sexta post Exurge, duodecima indictione.

Aus dem Original im Staatsarchive zu Magdeburg: an Pergamentbändern anhängend die vier in der Urk. erwähnten Siegel. - Gedr: ab Erath cod. dipl. Quedl. 276 (ex orig.). - 1. Orig. nur: G. - 2. d. i. der Aebtissin Bertradis. - 1284 war ein Schaltjahr.

566.

1284. Februar 29. Halberstadt. Graf Otto I von Ascharien bestätigt mit Einwilligung seines Bruders Heinrich, Domherrn zu Magdeburg, den Verkauf einer Hufe Landes bei Schierstedt seitens Johanns von Schierstedt an das Kloster Mehringen.

In nomine sancte et individue trinitatis amen. Otto Dei gratia comes Ascharie et princeps de Anehalt omnibus in perpetuum. Que geruntur in tempore ne simul a memoria hominum labantur cum tempore, poni solent in linguas testium et per scripta memorie perhennari. Notum igitur esse cupimus universis hanc litteram inspecturis, quod Johannes de Scherstede ecclesie beate virginis Marie in Meringe pro viginti quatuor marcis usualis argenti vendidit unum mansum situm in campis Scherstede de consensu amicorum suorum omnium et heredum perpetuo possidendum. Huius vero mansi proprietatem cum consensu fratris nostri domini Henrici canonici Magdeburgensis ecclesie prefate ecclesie Meringe contulimus similiter perpetuo possidendam. Ne igitur in posterum hanc emptionem sive proprietatis nostre donationem malignancius quis infringat, iam dicte ecclesie damus hanc litteram sigilli nostri patrocinio roboratam. Huius rei testes sunt: dominus Albertus nobilis de Hakeborne, Borchardus de Mansfelt, Olricus marschalcus, Wedego de Gatersleve, Albertus de Bleckenburg, Iwanus de Monte milites, Thidericus notarius noster.

Datum et actum Halberstat, anno Domini millesimo cc^o octogesimo quarto, pridie Kalendas Marcii.

Aus dem Original im Haus- und Staatsarchive zu Zerbst, mit dem an roth- und grünseidenen Fäden hängenden Reitersiegel des Ausstellers (Taf. II. 2). - Gedr: Beckmann Hist. d. F. Anhalt I. 409. - 1284 war ein Schaltjahr.

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 403. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_403.jpg&oldid=- (Version vom 31.7.2018)