et bona voluntate contuli abbati et conventui ecclesie beate virginis in Riddageshusen
ita, ut ipsi eos cum proprietate et omnibus eorum attinentiis, videlicet aquis, pratis,
pascuis, silvis, ea libertate ad usus suos perpetuo possideant, qua michi eos predicti
prepositus et conventus vendiderunt et qua ipsi eos dinoscuntur antiquitus possedisse, quorum etiam warandiam me eisdem contra quemlibet impetitorem prebiturum
promitto. Hanc tamen donationem premissorum mansorum tali conditione interposita
feci, ut michi antedicti abbas et conventus viginti quatuor quartalia, videlicet sex siliginis, sex tritici et duodecim avene, Helmenstadensis mensure annis singulis, quamdiu
vixero, Halberstad in festo sancti Galli presentent vel, si impedimentum aliquod intervenerit propter vie periculum aut difficultatem, quod dicta annona Halberstad adduci
non possit, tale michi precium pro ea tribuant, pro quali in foro publico vendi potest,
et statim, cum defunctus fuero, sint a tali censu pro anime mee remedio deinceps absoluta. ---
Datum Halberstad, anno Domini mo.cco.lxxxvo.
1285. Die Bürgermeister von Zerbst befreien ein dem dortigen Baarfüsserkloster gehöriges Haus von allen Abgaben und Diensten, wogegen das genannte Kloster zum Besten der Stadt auf ein Legat von fünf Schillingen jährlicher Einkünfte verzichtet.
Universis Christi fidelibus hanc litteram inspecturis consules civitatis Tscerwistensis pacem in Domino sempiternam. Ne ea, que aguntur in tempore, cadant cum lapsu temporis, poni solent in lingua testium aut sigillis autenticis perhennari. Noverint igitur tam presentes quam futuri temporis posteritas, quod ad voluntatem domini nostre civitatis Tscerwist Borchardi necnon ob favorem in nostra civitate commorantium fratrum domum ipsorum aree proxime adiacentem de communi consilio et consensu unanimi donavimus per omnia perpetue libertati, ut videlicet ex hoc nunc et in omne tempus deinceps ab angariis, exactionibus, talliis, que communiter universitari civitatis indici seu inponi solent, veluti cetere claustri dictorum fratrum mansiuncule, emunitatis privilegio sit exempta. Ceterum fratres predicti in recompensationem benefico accepti elemosinam sibi v solidorum Magdeburgensis monete legatam annuatim ipsis dandam resignaverunt consulibus supra memoratis in subsidium civitatis. Qui inquam denarii de bonis Werneri de Doberiz eidem annis singulis iugiter sibi succedentibus persolventur. Ne igitur predictam donationem nostram ac indultum deleat oblivio aut importunitas1 infringat ingenii malignantis, instrumentum hoc inde confectum sigilli nostre civitatis appensione fecimus consignari. Huius autem rei testes sunt: dominus Borchardus2 de Tscerwist, advocatus eiusdem civitatis Walterus3, Hinricus4 Lortolphi, Johannes Marie, Marsilius, Tilo de Lindowe, Arnoldus de Stupa. Acta sunt hec anno Domini mo.cco.lxxxvo.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 423. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_423.jpg&oldid=- (Version vom 31.7.2018)
