1286. Januar 5. Rom. Papst Honorius IV befiehlt dem Propste von Riechenberg, die gegen die Gebrüder Heinrich und Bernhard von Plötzke wegen Beraubung des Klosters Ilsenburg erkannte Excommunication in Kraft zu setzen.
Honorius episcopus, servus servorum Dei, dilecto filio preposito monasterii de Richenberga, Hildesheimensis dyocesis, salutem et apostolicam benedictionem. Significat nobis abbas et conventus monasterii in Ilsyneborch, ordinis sancti Benedicti, Halberstadensis dyocesis, quod Hinricus et Bernhardus dicti de Plossike fratres, layci diete dyocesis, dictos abbatem et conventum quibusdam bladi et vini quantitatibus ac rebus aliis ad monasterium ipsum spectantibus temere spoliarunt. Propter quod venerabilis frater noster Halberstadensis episcopus in dictos laycos, quod diligenter moniti bladum, vinum et res huiusmodi dictis abbati et conventui restituere contumaciter non curarunt, cum nichil racionabile preponerent, quare hoc facere non deberent, et id esset adeo notorium, quod ulla posset tergiversacione celari, auctoritate ordinaria exeommunicacionis sentenciam exigent e iusticia promulgavit, quam ipsi abbas et conventus apostolico pecierunt munimine roborari. Quocirca discrecioni tue per apostolica scripta mandamus, quatenus sentenciam ipsam, sicud rationabiliter est prolata, facias auctoritate nostra usque ad satisfactionem condignam appellacione remota inviolabiliter observari. Datum Rome apud sanctam Sabinam, Nonas Januarii, pontificatus nostri anno primo.
1286. Januar 13. Rom. Papst Honorius IV nimmt das Kloster Wiederstedt in seinen Schutz und bestätigt dessen Besitzungen.
Honorius episcopus, servus servorum Dei, dilectis in Christo filiabus ...1 priorisse et conventui monasterii de Wedersteden, ordinis sancti Augustini, secundum instituta et sub cura fratrum ordinis predicatorum viventibus, Halberstadensis diocesis, salutem et apostolicam benedictionem. Sacrosancta Romana ecclesia devotos et humiles filios ex assuete pietatis officio propensius diligere consuevit et, ne pravorum hominum malitia agitentur, eos tamquam pia mater sue protectionis munimine confovere. Eapropter, dilecte in Christo filie, vestris iustis postulationibus grato concurrentes assensu, personas vestras et locum, in quo divino estis obsequio mancipate, cum omnibus bonis, que inpresentiarum rationabiliter possidetis aut in futurum iustis modis prestante Domino poteritis adipisci, sub beati Petri et nostra protectione suscipimus, specialiter autem terras, domos, possessiones, grangias, redditus, prata, silvas, pascua et alia bona vestra, sicut ea omnia iuste
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 424. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_424.jpg&oldid=- (Version vom 31.7.2018)
