Seite:DE CDA 2 437.jpg

	Otto von Heinemann (Hrsg.): Codex diplomaticus Anhaltinus. Band 2.

clerici autem Johannes² sacerdos de Crottorp, Johannes² notarius, Arnoldus scholaris de Croppenstide, et quam plures alii fide digni.

Datum anno Domini m^o.cc^o.lxxxvij^o, in die Petri et Pauli beatorum apostolorum.

Aus dem Copiale CXXXV im Staatsarchive zu Magdeburg. Vergl. Kunze Kl. Adersleben 28. - 1. Mspt. nur: H. - 2. Mspt. nur: Jo.

619.

1287. (Juni.) Erzbischof Erich von Magdeburg gewährt den Besuchern und Wohlthätern des Klosters Mehringen einen vierzigtägigen Ablass.

Ericus Dei gratia sancte Magdeburgensis ecclesie archiepiscopus dominabus in Meringen, ordinis Cisterciensis, salutem in Domino sempiternam. Pro divina misericordia viteque vestre meritis exigentibus delectamur nos prosequi dono gratie specialis, presertim in hiis, qui salutem promovent animarum. Hinc est quod devotionis vestre precibus annuentes omnibus vere penitentibus et confessis, qui in festis dedications ecclesie vestre et altarium et eorundem festorum anniversariis necnon in eiusdem ecclesie patronorum ac gloriose virginis Marie, beati Johannis baptiste, sanctorum quoque apostolorum Petri et Pauli et beati Petri apostoli ad vincula ac gloriosi martiris Laurentii, beati Benedicti, qui sacri ordinis vestri mirificus institutor exstitit, beati Bernardi egregii doctoris festivitatibus et octo diebus immediate sequentibus ad eandem ecclesiam vestram causa devotionis accesserint, xl dies de iniuncta sibi penitentia et unam karenam misericorditer relaxamus presentibus vobis perpetuo valituris. Eandem relaxationem facimus illis, qui pro edificiis construendis seu aliis quibuscumque necessitatibus quocumque tempore manum vobis porrexerint adiutricem, si tamen diocesani voluntas accesserit et consensus. Insuper omnibus de nostra diocesi ad iam dictam ecclesiam vestram in predictis festivitatibus devote accedentibus seu elemosinam vobis largientibus omnem indulgenciam venerabilium patrum archiepiscoporum et episcoporum habitam vel habendam ratihabitione voluntaria presentibus confirmamus. Datum anno gratie m^o.cc^olxxxvij^o.

Aus dem Original im Haus- und Staatsarchive zu Zerbst, mit dem an einem Pergamentstreifen hängenden zerbrochenen Siegel des Ausstellers. - Wohl um dieselbe Zeit ausgestellt wie no. 615.

620.

1287. September 20. Brandenburg. Bischof Heidenrich von Brandenburg schenkt dem Nonnenkloster zu Ankun den Dreissigsten in den Dörfern Wertlau, Bornum und (Klein-) Leitzkau.

Nos Heydenricus Dei gratia Brandenburgensis ecclesie episcopus recognoscimus et tenore presentium in publicam noticiam volumus devenire, quod ad paupertatem relevandam

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 437. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_437.jpg&oldid=- (Version vom 31.7.2018)