1288. December 17. Magdeburg. Die Grafen Johann I, Albrecht und Bernhard II Gebrüder von Anhalt erneuern und bestätigen den Vertrag ihres Grossvaters Heinrich I vom J. 1239 mit der Abtei Nienburg über die dortige Vogtei sowie den Inhalt der vorhergehenden Urkunde.
In nomine Domini amen. Jonannes, Albertus, Bernardus Dei gratia comites de Anhalt universis Christi fidelibus tenorem presentium inspecturis salutem et pacem in Domino sempiternam. Quoniam ea, que labili cursu temporum continue labentium antiquantur, instabili statu hominum sua mutabilitate deficientium infirmantur, hinc est quod causarum et negotiorum gesta rediviva iteratione scriptis autenticis innovantur ac innovata protestatione publica confirmantur. Proinde cum a forma compositionis inter parentes nostros et abbates monasterii beate virginis in Nienburch inite super iuribus advocatiam dicti monasterii contingentibus a nobis fuisset aliqualiter deviatum, compositionis ipsius formam tam abbatum dicti monasterii quam progenitorum nostrorum litteris patentibus consignatam, quam etiam iteravimus in compositione, que nuper anno Domini mo.cco.lxxxviijo, feria sexta post Lucie inter reverendum patrem ac dominum Ericum ecclesie Magdeburgensis archiepiscopum et nos manuali promissione fidei intercessit1, et protestatione tenoris presentium pro confirmationis robore censuimus innovandam. Hec autem compositio in predictorum litteris patentibus exprimitur sub hac forma2 ---. Supradictam autem compositonis formam totaliter absque diminutione ac fideliter absque dolositate observare publice promisimus in manibus reverendi patris ac domini Erici Magdeburgensis ecclesie archiepiscopi fide data presentibus testibus infra scriptis: Ottone et Alberto comitibus de Anhalt patruis nostris, Arnoldo de Dorstat, Burchardoa de Blankenburch preposito sancti Wiperti in Nienburch, Ottone de Brezna canonicis Magdeburgensibus; Frederico comite de Werningerodhe, Richardo dapifero de Alsleve, Heidenrico de Nigrebe, Hildebrando de Ovstvelt, Ottone de Pouch, Conrado de Beliz, Conrado Smuc, Henricob et Bernardo de Plozk fratribus, Hermanno de Schakenstedec, Heidenrico Stripand, Henricob de Loderstede, Alexandro Grise, Conrado de Anlingeburch, Tiderico de Adendorp, Diraz, Hermanno Grutdingee, Henrico de Amforde3, Johanne Gisemanf militibus. Ad horum autem robur ac inviolabilem firmitatem communi iuris beneficio quoad nos renuntiavimus in hac parte in presencia iudicis nostri ordinarii, videlicet domini nostri archiepiscopi supradicti, ut omni iudiciorum indagine ac iuris ordine pretermisso denuntiemur publice excommunicationis sententie subiacere, si per nos vel per nostros scienter contra compositonis tenorem modo aliquo contingeret nos peccare, nisi canonice moniti per satisfactionem condignam preveniremus sententiam post decursum trium mensium a monitionis tempore promulgandam. Ad maiorem insuper evidentiam et confirmationem omnium predictorum sigillo venerabilis in Christo patris ac domini archiepiscopi supradicti una cum sigillorum nostrorum appensione ac venerabilium virorum supradictorum sigillis autenticis hanc nostram protestationem et superius annotate compositionis confirmationem fecimus communiri.
Actum et datum Magdeburg, anno Domini m.cc.lxxxviij, xvjo Kalendas Januarii, pontificatus venerabilis domini Erici Magdeburgensis archiepiscopi anno sexto.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 457. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_457.jpg&oldid=- (Version vom 31.7.2018)
