et consensu plenius accedente, abrenunctiantes omni iuri, quod in eadem proprietate
videbamur habere. In testimonium huius sigillis nostris presentia communimus.
Datum anno Domini mo.ccolxxxix, quarto Kalendas Januarii.
1289. Bischof Volrad von Halberstadt ertheilt den Besuchern und Wohlthätern des Klosters Mehringen einen vierzigtägigen Ablass.
Volradus1 Dei gratia Halberstadensis ecclesie episcopus monialibus Cysterciensis ordinis in Meringen salutem in Domino sempiternam. Pro divina misericordia viteque vestre meritis exigentibus delectamur vos prosequi dono gratie spiritualis, presertim in hiis, que salutem promovent animarum. Hinc est quod devotionis vestre precibus annuentes omnibus vere penitentibus et confessis, qui in festis dedicationis ecclesie vestre et altarium festorumque eorundem anniversariis necnon in eiusdem ecclesie patronorum ac gloriose virginis Marie, beati Johannis baptiste, sanctorum apostolorum Petri et Pauli, beati Petri ad vincula, Laurentii martiris, beati Benedicti, qui sacri ordinis vestri mirificus extitit institutor, beati Bernardi doctoris egregii festivitatibus et octo diebus immediate sequentibus ad eandem ecclesiam vestram causa devotionis accesserint, xl dies et karenam misericorditer relaxamus presentibus vobis perpetuo valituris. Eandem relaxationem facimus illis, qui pro edificiis construendis seu aliis quibuscumque necessitatibus quocumque tempore manum vobis porrexerint adiutricem. Insuper omnem indulgentiam venerabilium patrum, archiepiscoporum, episcoporum habitam vel habendam ratihabitione voluntaria presentibus confirmamus. Datum anno incarnationis dominice mo.cco.lxxxviiij.
1289. Graf Albrecht I von Anhalt über die durch seine und der Bauern von Rudersdorf Bemühungen ermöglichte Befreiung der letzteren von den Parrochialabgaben an ihre frühere Mutterkirche zu Kapelle.
Nos Albertus Dei gratia comes de Anehald presentibus protestamur, quod homines ville de Rodherstorp ecclesie in Capella sue parrochye in restaurum subsidii, in precio scilicet custodis, et aliis necessariis, in quibus ratione iuris parrochie eidem ecclesie subvenire tenebantur, dimidium mansum situm in ipsa villa Capelle cum curia attinente emerunt a Heynnone milite de Repchowe, quem idem Heynno nostris manibus resignavit et nos de voluntate et consensu fratrum nostrorum, quorum tutelam gerimus, eundem
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 468. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_468.jpg&oldid=- (Version vom 31.7.2018)
