1292. April 20. Arnstein. Walter von Arnstein bezeugt die mit Einwilligung des Erzbischofs Erich von Magdeburg geschehene Ueberlassung von vier Hufen Landes mit Zubehör an das Kloster Mehringen seitens der Gebrüder Rudolf und Ulrich von Zebekere.
Nos Walterus de Arnstein omnibus hanc litteram inspecturis volumus esse notum, quod Rodolfus et Olricus fratres dicti de Zobekere, qua poterant, precum instancia suppliciter rogaverunt, ut nos donationem sive contractum inter ipsos et honorabilem dominam abbatissam et conventum in Meringen, ordinis Cysterciensis, dyocesis Halberstadensis, pro quatuor mansis et curia, pomerio, salicibus et omnibus ad eosdem mansos pertinentibus in villis pariter et in campis, quorum etiam proprietatem venerabilis dominus Ericus Magdeburgensis ecclesie archiepiscopus cum consensu et assensu capituli sui expresso monasterio predicto in Meringen cum omni iure donavit suisque scriptis assignavit perpetuis temporibus possidendam, quam videlicet conventionem sive contractum prenominati fratres donando confirmantes, quia propriis sigillis non utuntur, nostri sigilli munimine protestari, sicut prediximus, cum instantia postulabant. Cum autem nos ipsorum et aliorum deesse precibus non possimus, presertim memorate domine abbatisse ac sui conventus precibus annuentes, ipsorum donationem sive ratihabitionem pretaxati contractus, quam coram nobis et nostris protestati sunt per confirmationem consensus, presentis scripti certitudine et nostri sigilli robore fecimus communiri, adhibitis etiam testibus idoneis, quorum nomina sunt subscripta: dominus Walterus dictus de Arnsten prepositus in Bevera, Conradus de Arnstede, Arnoldus dictus Vulpes, Heinemannus dictus de Asmersleve milites, Hannes dictus de Quenstede, Hinricus de Meringen, Burchardus de Widzerode, et quam plures alii fide digni.
Datum Arnsten, anno Domini mo.cco.xcijo, xij Kalendas Mai.
1292. Mai 2. Meissen. Bischof Witigo I von Meissen bestätigt die Schenkung des Patronatsrechtes über die Kirche zu Schlieben an das Frauenkloster zu Coswig seitens des Herzogs Albrecht II von Sachsen.
Nos Withego Dei gratia Misnensis episcopus universis presentes litteras inspecturis salutem in Domino sempiternam. Illustris princeps dominus Albertus Saxonie suis nobis litteris patefecit, quod ius patronatus opidi in Sliwen, nostre dyocesis, pro salute anime sue sive ius presentandi priorisse conventui et cenobio sanctimonialium in Coswic, Brandenburgensis dyocesis, sub regula sancti Augustini et institutionibus fratrum ordinis predicatorum in monasterio sancti Nicolai Deo famulantibus liberaliter contulit1, petens a nobis diligentia exacta, quod dicte donationi consensum benivolum adihibere dignaremur. Cuius
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 510. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_510.jpg&oldid=- (Version vom 31.7.2018)
