1294. Januar 21. Der Weihbischof Inzelerius (von Budua) verleihet in Stellvertretung des Bischofs Volrad von Halberstadt dem Kloster Frose einen Ablassbrief.
Frater Inzelerius ordinis sancti Augustini, Dei gratia episcopus Budunensis et vices gerens venerabilis patris ac domini Volradi Halberstadensis episcopi, omnibus hanc litteram inspecturis salutem in Domino. Pie devotionis opus agere credimus, dum fidelibus Christi causas meritorum ostendimus et eos ad salutis eterne merenda premia provocamus. Cupientes igitur, ut monasterium beati Cyriaci secularis ecclesie in Vrose congruis honoribus frequentetur, nos, de omnipotentis Dei misericordia et beatorum apostolorum eius Petri et Pauli nostraque auctoritate confisi, omnibus vere penitentibus, pure confessis et contritis, qui ad predictum monasterium causa devotionis accesserint vel manus porrexerint adiutrices vel quoquomodo auxilium inpenderint et favorem in die dedicationis, in diebus patronorum, in quatuor summis festivitatibus, scilicet nativitate Domini, Pasche, ascensione Domini et Penthcosten, ac in quatuor festivitatibus virginis gloriose, quadraginta dies et carrenam et annum venialium de iniuncta sibi penitencia in Domino misericorditer relaxamus. Omnibus eciam Christi fidelibus cum plebano loci ad infirmos cum corpore Domini nostri Jhesu Christi fideliter laborantibus decem dies criminalium relaxamus de gracia speciali. Noveritis eciam nos dedicationem supradicte ecclesie et omnium altarium in diem inventionis sancte crucis transposuisse annis singulis peragendam.
Datum anno Domini mo.cco.xco.iiijo, in die beate Agnetis virginis.
1294. März 19. Bischof Volrad von Halberstadt verändert die Kirchweihtage zu Frose und gewährt der dortigen Kirche einen vierzigtägigen Ablass.
Nos Volradus Dei gratia Halberstadensis ecclesie episcopus recognoscimus tenore presencium fideliter protestantes, quod dedicacionem ecclesie in Vrosen et omnium altarium inibi existencium, que actenus diebus ferialibus, utpote sanctorum Justi et Artemii, fuerat annuatim celebranda, ad aucmentandam ipsius sollempnitatem et veneracionem in diem invencionis sancte crucis et per circulum octo dierum continuorum eandem duximus transponendam ita, ut prefatis diebus omnibus sollempniter „Terribilis” decantetur. Volentes nichilominus, ut predicta dedicatio congruis honoribus frequentetur, omnibus vere penitentibus et confessis, qui predictam ecclesiam in diebus dedicacionum ipsius visitaverint seu elemosinas suas ad eandem devote fuerint elargiti, quadraginta dies cum karrena de iniuncta ipsis penitentia misericorditer in Domino relaxamus, omnem etiam indulgenciam, quam venerabilis in Christo pater ac dominus Bodwensis episcopus
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 538. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_538.jpg&oldid=- (Version vom 31.7.2018)
