1296. März 7. Nienburg. Abt Konrad von Nienburg und der dortige Klosterconvent verkaufen der Halberstädter Kirche die von Friedrich Leo ihnen aufgelassene Vogtei in Westeregeln.
In nomine sancte ac individue trinitatis. Dei gratia Conradus abbas totusque conventus monasterii de Nienburch, ordinis sancti Benedicti, Magdeburgensis dyocesis, omnibus, ad quos presens littera videnda vel audienda pervenerit, salutem in perpetuum. Gesta quelibet hominura seu contractus, cum in antiquitatem dierum aut temporum processerunt, per scripturam et instrumenta probantur melius quam per testes eo, quod scriptura deficiente vita testium amplius est perhennis, propter quod donaciones aut empciones et quevis alia facta in scriptis pro habenda perpetua declaracione provide rediguntur. Noverint igitur universi tam posteri quam presentes, quod nos ius et proprietatem advocacie nobis per resignationem Friderici militis dicti Leonis, qui eam ab ecclesia nostra in feodo tenuerat, libere vacantem, quam quidem in bonis in Westeregelen ad ecclesiam Halberstadensem pertinentibus1 tam in villa quam in campis, pascuis aut prediis seu in quolibet alio iure dinoscimur hactenus habuisse, inducti precibus et precio accedente unanimi voluntate omnium nostrorum pariter et consensu donamus et conferimus Halberstadensi ecclesie memorate cum omni iure ac integritate, qua nos dictam advocatiam hactenus tenuimus, totum ius et possessionem eiusdem advocacie in dictam Halberstadensem ecclesiam transferentes. Ne igitur, quod absit, huiusmodi donacio seu collacio per nos facta in dubium ullo umquam tempore revocetur, ipsam presenti scripto et sigillis nostris, abbatis videlicet et conventus, duximus consignandam. Huius rei testes sunt: Fridericus prior, Albertus provisor curie, Heydenricus camerarius, Otto de Aldendorp magister caritatum, Gevehardus Randowe hospitalarius; Everardus miles dictus Cruch, Fridericus miles dictus Leo, Johannes miles dictus Jezeman, Olricus de1 Zcprone frater domini abbatis, Hinricus de Dessowe, Walterus de Grimsleve magister coquine, et alii quam plures fide digni.
Acta sunt hec et conscripta in Nienburch, anno Domini mo.cco. nonagesimo sexto, Nonas Marcii.
1296. April 22. Ritter Heinrich von Westorf schenkt zur Feier des Anniversariums Ulrichs von Bernburg dem Kloster Ballenstedt eine halbe Hufe Landes zu Zehlingen.
Nos Hinricus miles de Wesdorp omnibus audituris presencia seu visuris volumus esse notum et presentibus pubplice protestamur, quod nos ac nostri heredes deliberatione bona dimidium mansum situm in campo Zelighe, quem Johannes de Ennendorp
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 564. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_564.jpg&oldid=- (Version vom 31.7.2018)
