pertinent ad eandem, cum proprietate et omni iure et omnibus libertatibus libere et
quiete perpetuo possidenda, sperantes, ut suffragiis oracionum conventus ecclesie iam
prefate adiuti misericordie beneficia …1 a Domino consequamur. Mittimus eciam
prescriptam ecclesiam et conventum in possessionem bonorum predictorum litteras per
presentes, ut ipsi omnem respectum et omne ius habeant in prenotatis bonis, quod nos
habuimus in eisdem. Testes huius sunt: Wernerus cellerarius sancte Marie in Magdeburch, Arnoldus de Luttere sancti Nicolai in novo foro scolasticus predicte civitatis,
magister Alexander capellanus noster et notarius, Conradus de Bevera rector capelle
beate Marie Magdalene in Ascharia, Johannes de Keteliz advocatus noster, et Henricus
de Redere famulus noster, et quam plures alii fide digni. Et ut hec nostra donacio
a nobis tam solempniter facta a presentibus seu posteris non possit infringi aliquatenus
vel mutari, presentibus nostrum sigillum duximus apponendum in robur perpetue firmitatis.
Datum Magdeburch, anno Domini millesimo ccoxcviijo, in die beatorum apostolorum Symonis et Jude.
1298. November 26. Nürnberg. Markgraf Otto IV von Brandenburg verschreibt der Gemahlin seines Bruders Heinrich unter Bürgschaft der Grafen Albrecht I und Bernhard II von Anhalt 12,000 Mark als Ehegeschenk.
Nos Otto Dei gratia marchio Brandenburgensis et de Landsperg tenore presentium profitentes declaramus -, quod, cum frater noster dilectus Henricus marchio Brandenburgensis illustris inclitam dominam illustrium dominorum ducum Bawarie sororem - duxerit - in uxorem, nos eidem domine in donatione propter nuptias proventus sive redditus ad valorem duodecim milium marcarum deputatos et estimatos a tempore nuptiarum suarum ad duos annos continuos dabimus et promittimus nos daturos constituantes, prestantes et obligantes una nobiscum fideiussores pro eisdem redditibus sive proventibus sub condicionibus infrascriptis venerabiles dominos Halberstadensis, Merseburgensis, Brandeburgensis ecclesiarum episcopos, fratres nostros dominum Conradum marchionem et predictum dominum Henricum marchionem illustres et fratruelem nostrum dilectum dominum Johannem marchionem, comitem Albertum de Anehalt et comitem Bernhardum de Anehalt illustres, comitem Meinerum de Sladum, comitem Heinricum de Honstein, comitem Burchardum de Lyndow, dominum Helderunge nobiles, dominum Theodericum et suum filium dominum Fridericum dictos de Torgaw, dominum Ottonem de Ylburg, dominum Wibaldum de Forste, dominum Theodericum de Kerkaw, dominum Berterammum de Benz et dominum Berterammum de Stegeliz, quod, si in termino memorato prefati proventus sive redditus predicte domine assignati et dati sive expositi non fuerint, cum compromissoribus nostris civitati Brandenburg nos ad obstagium presentabimus, postquam requisiti fuerimus, infra mensem, in eadem tam
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 596. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_596.jpg&oldid=- (Version vom 31.7.2018)
