dedimus perpetuo possidendas. In cuius rei evidentiam presentem litteram dedimus et nostro sigillo iussimus communiri. Testes etiam huius sunt: Henningus et Borchardus fratres de Monte, Alexander Stumpo, Henricus marscalcus, Otto Gogravius, Hermannus de Bornekere milites, famuli vero Henningus de Hoymb advocatus noster, Heinemannus camerarius noster et Arnoldus de Gersleve, et quam plures alii fide digni.
Datum Ascharie per manum Betemanni notarii nostri, plebani in Erckesleve, anno Domini mo.ccco. tertio, in dominica qua cantatur Oculi mei.
1303. März 20. Nienburg. Abt Konrad von Nienburg vereignet dem dortigen Kloster zu seinem eigenen Jahresgedächtnisse eine Hufe Landes zu Biendorf und zu demjenigen seines Oheims Burchard von Sprone und seines Bruders Ulrich zwei Hofstätten in Nienburg.
Conradus1 Dei gratia abbas in Nienburch …2 priori totique conventui eiusdem loci presens scriptum perpetuo duraturum. Cum hominis vita brevis, tempus vero longum existat, oblivio per successum temporis gestorum excludit memoriam, nisi scriptis et sigillorum appensionibus roborentur, cum etiam cuiuslibet hominis in extremis positi circa rerum suarum disposicionem, maxime in hiis, que ad salutem anime sue pertinent, libera sit voluntas. Quod nos attendentes ad diem anniversarium deposicionis nostre unum mansum situm in Byendorp solventem dimidium chorum tritici et dimidium siliginis, qui nobis libere vacat, vobis liberaliter assignamus ea racione, ut dimidium chorum siliginis in anniversario nostro ad elemosinam pauperum cedat, de dimidio vero choro tritici in refectorio fratribus serviatur. Preterea duas areas in urbe Nienburch, quas denariis nostris comparavimus, solventes x solidos ad anniversarium domini Burchardi de Zprone patrui nostri et Olrici fratris nostri ordinamus, qui anniversarii vij Kalendas Februarii, scilicet uno die pariter, peragentur. Hospitalarium vero, qui pro tempore fuerit, ad hec recipienda et fratribus ministranda, prout melius poterit, presentibus obligamus, additis x solidis Koteniensibus, qui ad anniversarium domini Everardi Kroch militis pertinent pleno iure.
Datum Nienburch, anno Domini mo.ccco.iijo, in vigilia beati Benedicti abbatis.
1303. März 21. Magdeburg. Propst Otto von S. Wiperti zu Nienburg verkauft dem Ritter Ebeling von Ceynitz die Propsteigüter zu Scholitz, um andere zu Leverikesdorf zu erwerben.
Nos Otto de Brezna, prepositus ecclesie sancti Wiperti in Nienburch, recognoscimus publice per presentes, quod bona prepositure nostre in Scholiz de communi consensu
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 36. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_036.jpg&oldid=- (Version vom 31.7.2018)
