domini abbatis et sui conventus et nostri capellani in Nienburch vendidimus domino Ebelingo de Ceynitz1 militi pro lxxxx marcis Stendalensis argenti, in quorum bonorum recompensationem ememus tres mansos in villa Leverickesdorp pro lxvij marcis cum insula salicum pertinentium ad eosdem. Reliquam vero pecuniam, videlicet xx et tres marcas, in aliis bonis eiusdem prepositure comparandis, cum primum poterimus, fideliter expendemus.
Datum Magdeburg, anno Domini mo.ccco.iijo, in die beati Benedicti abbatis.
1303. März 24. Coswig. Graf Albrecht I von Anhalt bewidmet das Collegiatstift zu S. Marien in Coswig mit verschiedenen Gütern zu Goltewitz.
In nomine sancte et individue trinitatis amen. Nos Albertus Dei gratia comes de Anhalt omnibus presens scriptum inspecturis seu audituris salutem in filio virginis gloriose. Quia veritas sepe contumeliam patitur et succumbit, ex eo videlicet, quia actus hominum faciliter in oblivionem deveniunt, si non fuerint litterarum testimonio roborata, hinc est quod notum esse cupimus tam presentibus quam posteris universis, quod ad honorem Dei omnipotentis et beate matris eius nec non ob dilectionem ac merita strennui militis nostri Alberti dicti de Ceynitz allodium situm in Goltiz, cui adiacent viij mansi et unum pratum, quod vocatur Schelplake, cum uno ligneto, cuius allodii et mansorum, prati et ligneti proprietas pertinuit ad nos hucusque et quod allodium cum iam dictis idem Albertus possedit a nobis in pheodo, ecclesie beate Marie in Coszwik et canonicis ibidem Deo famulantibus, recepta prius resignacione in manu nostra ipsius allodii, cum predictis proprietatem liberam et quietam donavimus perpetue et pacifice possidendam. Ut igitur hec nostra donacio robur habere possit perpetue firmitatis, presentem paginam sigilli nostri apensione iussimus perhennari. Testes huius donacionis sunt: dominus Bonifacius plebanus in Worlytz, Johannes1 decanus in Aquis nomine Pruce, dominus Thydericus plebanus in Qualendorp, dominus Hartwigus plebanus in Worzin2, clerici, et hii milites: Fredericus et Conradus fratres dicti Slichtinge et Johannes1 de Grisen advocatus in Coszwich, et alii quam plures fide digni, quorum nomina hic non recitantur.
Datum Coszwich, anno Domini mo.ccco.iijo, in vigilia annunciationis beate Marie virginis gloriose.
1303. März 30. Geisdorf. Johann, Burchard und Albrecht von Erichsberg resignieren ihrem Herrn Albrecht von Hakeborn zu Gunsten des Klosters Hedersleben mehrere Güter daselbst.
Nobili viro ac domino suo dilecto Alberto de Hakeborne Johannes et Borchardus milites de Erikesberch necnon et Albertus miles, patruus eorum, tam debitam quam paratam
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 37. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_037.jpg&oldid=- (Version vom 31.7.2018)
