1313. Wittenberg. Bürgermeister, Rath und Schöffen der Stadt Wittenberg verkaufen an den Coswiger Canonicus Konrad von Kühnau fünf Mark Rente mit der Bestimmung, dass davon nach des Käufers Tode zwei Mark dem Priester zugute kommen sollen, welcher den Gottesdienst bei dem Altare der h. Maria Magdalena in der Marienkirche zu Coswig besorgt.
In nomine Domini amen. Universis presentem litteram inspecturis Johannes prefectus, consules, videlicet Thydericus de Lypzyk, Hinricus Erici, Johannes Homůt, Petrus Sartor, et nos scabini, videlicet Johannes de Kerzendorp, Johannes Spiserus, Thydericus de Lypzk, Hinricus de Allestria, et universitas civium in Wyttenbergh, quidquid obsequii poterint iugiter et honoris. Ne ea, que aguntur in tempore, a memoria hominum deducatur, que res labilis est, consuevimus ea proborum virorum ac scripture testimonio attencius roborare. Hinc est quod notum esse volumus presencium cum tenore puplice protestando tam presentibus quam futuris, quod propter quandam indigenciam seu oppressionem debitorum nostre civitati incumbentem ex beneplacito et communi consensu nostrorum concivium vendidimus discreto viro domino Frederico de Koyne, quondam plebano in Wittenbergh ac canonico in Cozwik, quinque marcas Brandeburgensis argenti pro xl et viij marcis argenti Brandeburgensis tali condicione, quod iij marce cedent predicto domino Frederico ad tempora sue vite, eo vero defuncto predicte iij marce cedent utilitati nostre civitatis vice versa: residue vero ij marce sacerdoti officianti altare sancte Marie Magdalene in ecclesia sancte Marie virginis in Coswyk sunt perpetuis temporibus largiende. Insuper addicimus, quod predicta pecunia singulis annis proxima feria secunda post festum beati Martini prefato domino Frederico necnon sacerdoti predicto a consulibus nostre civitatis Wyttenbergh, qui pro tempore constituti fuerint, exstat eroganda.
Datum Wyttenbergh, anno Domini mo.ccco.xii,jo.
1314. Januar 25. Ascharien. Graf Otto II von Ascharien verleihet unter gewissen Bedingungen den Einwohnern von Winningen die Theilnahme an der Benutzung der Wiesen und Weiden des Dorfes Hercksdorf.
Nos Otto Dei gratia comes Ascharie et princeps de Anhalt universis audituris presentia seu visuris volumus esse notum et presentibus pupplice protestamur, quod maturo prehabito consilio civibus universis in Winnige participationem et communionem in palude1, in graminibus et in pascuis sitis in campo et villa Herkestorp de consensu et voluntate civium universorum eiusdem ville Herkestorp dedimus perpetuo possidendam. Si autem cives aliquos ad dictam villam Herkestorp se recipere contingerent ad residenciam, sicut prius, ipsi cives de Herkestorp in palude1, pascuis et graminibus
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 182. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_182.jpg&oldid=- (Version vom 31.7.2018)
