Seite:DE CDA 3 219.jpg

	Otto von Heinemann (Hrsg.): Codex diplomaticus Anhaltinus. Band 3.

quidem in territorio nostro prope Scandesleve, cum iure patronatus ipsius ac agros eiusdem ville cum pratis, pascuis, molendinis, aquarum decursibus, viis et inviis, et aliis universis pertinentiis ipsius et proprietatem omnium eorundem venerabili domine nostre Jutte¹ abbatisse, conventui et ecclesie Quedelingeborgensi nomine restauri pro collacione castri in Hoyem nobis ab ipsa domina abbatissa facta dedimus, donavimus et tradidimus pleno iure ac in ipsas et quamlibet earundem villam eandem et proprietatem ipsius cum iure patronatus et omnia premissa cum universo iure reali seu personali, utili vel directo, prout ad nos quoquomodo spectare poterant, renunctiantes cuilibet² iuris vel facti excepcioni³ voluntarie et benivole, transferenda duximus per presentes. Qua quidem donatione, tradicione seu translacione per nos, ut premittitur, facta eadem domina abbatissa ecclesie Quidelingeburgensis, sibi et ecclesie sue proprietate et dominio directo plenarie reservatis, dictam villam cum aliis pertinentiis ipsius nobis iure contulit pheodali. Ut autem omnia premissa per nos facta incommutabilem optineant roboris firmitatem, presentes litteras super hiis confici iussimus et nostro et venerabilis domini nostri Alberti Halberstadensis ecclesie episcopi, fratris nostri predilecti, sigillis easdem ad perpetuam rei memoriam fecimus insigniri. Nos vero Albertus Dei gratia Halberstadensis ecclesie episcopus, dilecti fratris nostri Bernardi principis in Anehalt precibus favorabiliter inclinati, donacioni, tradicioni ac translacioni omnium premissorum per ipsum, ut premittitur, factis liberaliter consenciendum duximus et ipsas, quantum nostra interest seu interesse poterit et prout efficacius poterimus, approbamus ac ad maiorem rei evidenciam nostrum sigillum duximus presentibus apponendum. Actum et datum anno Domini m^o.ccc^o.xvij^o, xiiij Kalendas Maii.

Aus dem Original im Staatsarchive zu Magdeburg, mit dem an einem Pergamentbande hängenden Siegel des Ausstellers (II. Taf. V. 3): das Siegel des Bischofs ist abgenommen. - Gedr: ab Erath cod. dipl. Quedl. 377 (ex orig.). - 1. Orig. nur Punkte. - 2. Orig: qualibet. - 3. Orig: excepcione.

336.

1317. April 18. Graf Bernhard II von Anhalt verzichtet zu Gunsten der Aebtissin Jutta von Quedlinburg auf das Patronatsrecht über die Kirche zu Quermbeck.

Nos Bernardus Dei gratia comes Asscarie ac princeps in Anehalth omnibus Christi fidelibus presencia audituris seu visuris notum esse cupimus per presentes publice profitentes, quod, cum venerabilis domina nostra Jutta abbatissa ecclesie Quedelingborgensis ius patronatus ecclesie parrochialis in villa Querembeke inter cetera bona per mortem illustris principis Ottonis de Anehalth, patruelis nostri dilecti, felicis memorie ad se et suam ecclesiam esse devolutum assereret pleno iure et licet nobis in eodem iure patronatus ipsius ecclesie in Querembeke ius competeret aliquale, nos tamen ob specialem favorem et amiciciam, quam ad antedictam dominam nostram abbatissam et eius ecclesiam specialiter gerimus, omne ius, quod in dicto iure patronatus nobis competit seu competere posset aut quoquomodo competere sperabamus, ipsis cedimus, donamus ac elargimur ac in ipsas seu quamlibet earundem omne ius personale et reale,

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 219. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_219.jpg&oldid=- (Version vom 31.7.2018)