Seite:DE CDA 3 241.jpg

	Otto von Heinemann (Hrsg.): Codex diplomaticus Anhaltinus. Band 3.

369.

1318. November 4. Endurtheil der Magdeburger Curie in dem Process des Pfarrers von Wörlitz gegen Adelheid, Wittwe des Ritters Friedrich von Rabenstein, den Zehnten von sieben Hufen Landes zu Griebo betreffend.

In nomine Domini amen. Oblata petitione ex parte …¹ plebani in Wergeliz, in qua petitur a domina Adelheydi, relicta quondam Friderici militis dicti de Ravensten, decima de septem mansis sitis in campo ville Gribowe, de quibus mansis singulis olim singuli modii siliginis solvi pro decima consueverunt, que decima wedemkorn vocabatur, quos quidem mansos predicta domina nunc habet et possidet percipiens fructus et redditus ex eisdem in graminibus et in lignis, lite vero super petitione predicta inter procuratores partium contestata et prestito hinc inde de calumpnia iuramento, procurator ipsius plebani ad intentionem suam fundandam quoddam instrumentum² produxit, in quo inter cetera continetur, quod quedam ville, inter quas etiam villa Gribowe nominatur, de singulis mansis singuli modii siliginis annuatim solvi debent ecclesie parrochiali in Wergeliz. Et deinde quibusdam³ exceptionibus contra idem instrumentum obiectis et responsionibus habitis contra ipsas, tandem partes in causa ipsa voluntarie concluserunt. Visis igitur et intellectis per partes ipsas hinc inde productis et propositis et deliberatione super eis prehabita diligenti, quia per instrumentum productum, quod confirmationem ex certa sententia cum plena narratione facti continet, invenimus plene probatum, prefatam dominam viduam ad solutionem decime de predictis mansis teneri, cum etiam censeri debeant simili iure cum mansis aliis, de quibus fit mencio in instrumente confirmationis predicto, nos deliberatione diligenti super hoc prehabita et termino presenti ad audiendam diffinitivam sententiam assignato et partibus propter hoc in nostra presentia constitutis, dicimus et pronuntiamus ipsam dominam ad solutionem decime de dictis septem mansis …¹ plebano in Wergeliz teneri ipsamque ad prestationem eius de annis, quibus confessa est se hanc decimam non solvisse, et deinceps de fructibus, quoscunque sive in frumento vel lignis et feno perceperit, in hiis scriptis finaliter condempnamus. Quia tamen condempnatio expensarum ex parte actoris in nulla parte litis petita fuit, ipsam dominam condempnare omittimus in expensis. Lata et lecta est hec sententia anno Domini m^o.ccc^o.xviij^o, in die beati Valentini, presentibus domino Friderico de Redere canonico ecclesie sancti Nicolai Magdeburgensis, magistro Johanne de Barboy, magistro Hinrico de Beliz et Johanne notario nostro.

Aus dem Original im Staatsarchive zu Zerbst: an Pergamentstreifen anhängend das Siegel der Magdeburger Curie wie an no. 356. Valentinus martyr ward in der Magdeburger Diöcese am 4. November gefeiert. - 1. Orig. statt der Namen nur Punkte. - 2. S. I. no. 733 und die Bestätigung der in dieser Urkunde enthaltenen Dotation der Pfarre zu Wörlitz durch den Erzbischof Albrecht II von Magdeburg 1207 (I. no. 763). 3. Orig: quibus. - Vergl. no. 341 und 356.

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 241. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_241.jpg&oldid=- (Version vom 31.7.2018)