|
Diverse: Codex diplomaticus Anhaltinus/Band 3 |
|
|
dy want make, mote want snyden, dat byde wy tu haldene by twelff Schillingen, der Scholen unsen herren boren dry unde der stad dry unde den wantsnydern dry unde den wantmekern dry. Men schal ok allirhandes markes want snyden: man scal snyden Dessowesch want unde Akens want, Meydeburgesch want unde Burgesch want unde Rinsch want, unde an- ders neyne want mer. Wy vorbyden tü snydene allirhande Doringes want, Lukowes, Gor- liczesch unde allirhande want, dat men upme Harte maket. Wy dyt bricht, dy schal it vorbuten myt twelff Schillingen, des boren unsem herren dry, der stad dry, den wantsnydern dry unde den wantmekern dry. Dy wantsnydere ne Scholen des vorlove- den wandes wedder up den iarmarkeden eder nergen vorkopen by twelff Schillingen, der boren unsem herren dry, der stad dry, den wantsnydern dry unde den wantmekern dry. Wolde ennich borger der wantsnyder inninghe wynnen, dy schal it dün mit drit- tich Schillingen pennighe, der boren unsem herren teyne, der stad teyne unde den want- snidern teyne. Wolde sy aver eyn fromede man wynnen hirna, dat scholde hy dün met anderhalven marken, der bord unsem herren eyne halft", der stad eyn halft" unde den wantsnydern eyn halff. Wolde ennich wantsnyder stan to Meideborch met ganczen wände met den wandmekern met hirlandeschen wände, des Scholen sy Staden mede tü kavelne. Dy wantmekere muten bynnen der stad noch nyrgen neyn want snyden, dat sy iarmarkt edder dachmarkt, by twelff schillighen, der boren unsem herren dry, der stad dry, den wantsnydern dry unde den wantmekern dry. Welk man hirna in desse stad kompt, dy der wantsnydere inninghe wynnen wil, dy scal sy suken eyn iar. Dy wantmekere noch nyman Scholen negeine stucke macken noch neyn laken vorsnyden by twelff Schillingen, der boren unsem herren dry, der stad dry, den wantsnydern dry unde den wantmekern dry. Dy wantsnydere noch dy wantmekere ne möten hir neyn want kopen, dat hir vorlovet is vort gancz tö vorkopene by twelff Schillingen, der bo- ren unsem herren dry, den wantsnydern dry, der stad dry unde den wantmekern dry. Nymand scal want maken, he en wynne er sin werk tü den wantmekern met veftein Schillingen, der boren unsem herren vife, der stad vyve unde den wantmekern vyve. Queme eyn frommet man in dy stad tü wonende, dy want wolde maken, dy scolde sin werk wynnen tü den wantmekern met vierundetwintich Schillingen, der boren unsem herren achte, der stad achte unde den wantmekern achte. Neyn beggyne noch dat beg- ginenleven holt, schal neyn want snyden addir maken. Hir bynnen Czerwist scal ny- man up deme markede garn noch wulle kopen, hy sy denne borger odder buere, by twelff Schillingen, der boren unsem herren dry, der stad dry, den wantsnydern dry unde den wantmekern dry. Nyman scall neyn garn kopen vor missen, hy en scal ok nicht seifander neyn garn kopen by eyn punt wasses, dat bort tü der wantmeker licht. Were ok ennich wantsnyder, nach deme dy mestere senten, queme hy nicht, künde hy sik nicht tydeliken entreden, hy scoldet vorbuten met eyneme punt wasses. Were ok ennich wantmeker, na deme dy meystere senten, queme hy nicht, künde hy sik nicht tydliken entreden, he scoldet vorbuten met eyme punt wasses tome lichte. Breke ok ennich man in de inninghe wat, he scal dat vorbuten met eyme punt wasses. So welk man ok neyn tiitlik man were, deme willen dy wantsnydere noch dy wantmekere ney- nen inninghe geven. Were ennich man edder frowe, dy der wantmekere inninghe wyn- nen wil, dy scal sy suken dryes. Welk man edder vrowe. dy der gulde nicht het, dy scal neyn want snyden noch maken. Dy clostervrowen unde dy bruder hir in der stad scollen wandes maken, wat sy des bodorven, dat sy dat io den meystern beident syden
Diverse: Codex diplomaticus Anhaltinus/Band 3. Dessau: Emil Barth, 1877, Seite 269. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_269.jpg&oldid=- (Version vom 31.7.2018)
