|
Diverse: Codex diplomaticus Anhaltinus/Band 3 |
|
|
Echt sculdeged greve Bern de burghere van Asscersleve umme scaden uppe vyr- tych dusend marc, den se ome dan hebben, ir he on de' huldinghe upseyde. Echt scul- deged he desilven bürgere umme scaden, den he neme, do he leghe vor deme huse to Asscersleve, uppe dusent marc. Echt sculdeged he umme Wegeleve und dat darto hord, usen heren van Halberstat, dat he dat ome vorhalde, des hebbe he scaden tyn- dusend marc, und dat he des rychtes to deme Vrevele und to Eylwardestorp enboren hebbe, des hebbe he scaden vyfdusent marc. Echt sculdeget he umme Snetlinge uppe drudusent marc, des he scaden hebbe, dat man dat ome voreholt. Echt sculdeged he umme scaden, den he nomen hebbe to Staleberg, vor Werningherode, vor der Vyne- burg, to Veckenstede, to Binzenigherode, uppe achtedusent marc. Echt schuldeged he umme scaden, den he nomen hebbe to Kocstede, uppe vyfhundert marc. Echt esched he scaden van Wezstorp uppe drudusent marc. — Hir antwerde we Albercht de vor- bescrevene to: Umme alle disse ding, dar greve Bern scaden van nomed, hebbe we und use goddeshus ene rechte sone und willen de irtughen, also recht is. Umme scaden, den greve Bern vordered uppe de burghere van Asscersleve van bede wegene, de uppe verhundert marc trede2, dar antwerde we Albercht to: Wel greve Bern dere van Asscersleve yenegen sculdegen, de ome bedeplyctich si, den wel we ome to rechte setten.
Echt sculdeged greve Bern umme clostere und papen, de bescattet scolen wesen to unrechte, uppe tweyhundert marc. — Hir antwerde we Albercht de vorbescrevene here to: Clostere und papen, dar greve Bern umme sculdeged, dat is gheystlich gut, hedde he os yenegen unser man benomed, den we vormochten, den wolde we ome gerne to rechte bracht hebben; wel ok os yenich provist oder pape, de greve Bern to rechte yegen uns bore vor to dedinghe, besculdeghen, deme wille gherne antwerden, dar we ome to rechte antwerden scolen.
Echt sculdeghet greve Bern, dat goddeshus to Halberstat worde sin vyant an aller- hande redelike sculde unde worde ome sin lant vorherd, vorbrand und vordinghed van sinen mannen, sinen vogeden, sinen hovedluden und sineme sinde also, dat he ny vor- claghed worde, dar he to rechte antwerden scolde, und he ny rechtes weygerde, des hebbe he scaden uppe vyfdusent marc. — Hir antwerde we Albercht de vorbescrevene here to: We ne weten van neneme scaden nicht: hedde man os yenich user slot oder yeneghen user man, den we vormochten, benomed, den wolde we gherne to rechte bracht hebben.
Echt sculdeged greve Bern her Hanse van Crendorp und her Ludolf sinen sonen. — Hir antwerde we Albercht to: We willen se ome to rechte setten. — Echt sculdeged greve Bern hern Hanse umme scaden, dat he sin hus to Hoym müste wedercopen. — Dar antwerde ik Hannes to: Van deme scaden wet ich nicht und wille darto don, dat recht is. — Echt ghif Bern ome scult umme brouvete8, kokentowe* und armburst. — Dar spreke ik to: Me ward nicht antwerdet und ne hebbe des sines van dennen nicht ghevord und wille darto don, also recht is.
Echt sculdeged greve Bern hern Hanse van Crendorp umme scaden, den de vau Scraplowe dede to Hoym und to Radesleve, uppe vyfhundert marc. — Dar antwerde ich Hans: Rades und dades si ik unsculdich und wille darto dün, dat recht is. Umme scaden des Cokenholtes der Kümremaghe to Hekelinghe dar antwerde we Albercht to, dat de os unwetelik is; hedde man yemanne user man benomed, den we vormochten,
Diverse: Codex diplomaticus Anhaltinus/Band 3. Dessau: Emil Barth, 1877, Seite 328. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_328.jpg&oldid=- (Version vom 31.7.2018)
