|
Diverse: Codex diplomaticus Anhaltinus/Band 3 |
|
|
Tu den sesten sculden und reden, de unse greve Bern van Anehalt sprik, umine sin egen tü Wezstorp, dar de biscop von Halberstat nich wedersproken hed in sime antwerde, dar spreke we her Ot und her Herman dat vor en recht: Man scal ome dat hus to Wezstorp durch recht antwerden weder, nademmale dat dat sin rechte egen is und dat goddeshus und de biscop dar nicht wedersprik; umme den scaden, wen use herre greve Bern van Anehalt darumme sculdeget, den scal de biscop van Halberstat tü rechte setten ome, den he vormach. Bekaut hes, he scal den wederdün upen rech mit büte; vorsaket hes, he' scal des unsculdich werden upen heiligen. Dat sprek we her Ot und Herman vor en recht bi unsen truwen und we nicht rechteres weten noch bevragen künnen.
Tu den sevenden reden, de unse greve Bern van Anehalt sprikd, umme sin rechte egen to Snetlinge und to Bornker, dar de biscop van Halberstat nicht wedersproken hed1 in sime antwerde, dar spreke we her Ot Slychting und her Herman dat vor en recht: Man scal om dat hus to Snetlinge und Burneker durch recht wederantwerden, nademmale dat dat sin rechte egen is und dat goddeshus und de biscop dar nich wedersprik. Dat spreke we vor en rech. Umme den scaden spreke we, wen unse herre greve Bern darumme sculdeget, den scal om de biscop van Halberstat to rechte setten, den he vormach. Bekant hes, he scal wederdün upe sin recht mit büte; vorsaket hes, he scal des unsculdich werden uppen heiligen. Dat sprek we her Ot und her Herman vor en recht bi usen truwen. und we nicht rechteres weten noch bevragen künnen.
Tu den achten reden, de unse herre greve Bern van Anehalt sprik, umme menich swar dinst, dat he deme goddeshuse to Halberstat dan hed und groten scaden in des goddeshus dinste nomen hed, und des biscopes antwerde van Halberstat dariegen, dar spreke we her Ot und her Herman dat vor en recht: De biscop scal bekennen oder vorsaken. Bekant he des, he scal den wederdün upe recht mit büte; vorsaked he. des, he scal des unsculdich werden, also recht is. Dat spreke we bi usen truwen, dat dat recht is und we nicht rechteres weten noch bevragen künnen.
Tu den negenden reden, de unse herre greve Bernd sprik, umme scaden tu Stal- berg in des goddeshuses denste und des biscopes antwerde dariegen, dar spreke we her Ot und her Herman dat vor en recht: De biscop scal des bekennen ader vorsaken. Bekant he es, he scal den wederdün upe sin recht: vorsaket he des, he scal des un- sculdich werden, also recht is. Dat sprek we bi unsen truwen, dat dat recht is und we nicht rechteres weten noch bevragen künnen.
Tu den tegeden reden, de unse herre greve Bern van Anehalt sprik, umme sin ervegüt und umme sin dorp tü Kocstede, dar de biscop nich wedersproken het an sime antwerde, dar spreke we her Ot und her Herman dat vor en recht: De biscop und dat goddeshus scal unsen herren greven Bern van Anehalt an sime dorpe tu Koxstede nicht hinderen; is ome an deme dorp tü Kocstede yenigh scade sein, den scal ome dat goddeshus und de biscop van Halberstat wederdün upen recht mit bute. Darf spreke we, dat dat recht is unde we nicht rechteres weten noch bevragen k&nnen.
Tu den elften reden, de unse herre greve Bern sprikd, umme de kunnemaghe unde de biscop van Halberstat nicht wedersproken hed in sineme antwerde, dar spreke we her Ot und her Herman dat vor en recht: De biscop scal unsen heren greven Bern an den kunnemaghen nicht hinderen, we se sin to rechte sin; umme den scaden, wen unse here greve Bern darumme sculdeget, den scal ome de biscop to rechte
Diverse: Codex diplomaticus Anhaltinus/Band 3. Dessau: Emil Barth, 1877, Seite 331. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_331.jpg&oldid=- (Version vom 31.7.2018)
