|
Diverse: Codex diplomaticus Anhaltinus/Band 3 |
|
|
halden afte hebben, so scal he unseme herren greven Bern durch recht den scaden wederdün. Deyd he des nicht, so scal unse herre greve Bern de veBten unde dat gut, dat dortu hört, durch recht in vede halden also lange, want ome en recht wedervare. Dat spreke we bi unsen truwen, dat dat recht is unde we nicht rechteres weten noch bevragen1 künnen.
Tu den negentegenden sculden, de use herre greve Bern sprik, dat dat goddes- hus van Halberstat ome hebbe untseit an allerhande redeleke sculde, und des biscopes antwerde dariegen, dar spreke we her Ot und her Herman vor en recht: Mach unse herre greve Bern des vulenkomen, also recht is, de biscop und dat capitel und dat goddeshus scolen ome den scaden wederdün upe recht mit büte, und wen he besculdechet, den scal men ome to rechte setten und ore vesten, de benomed werden, utten, also recht is. Dat spreke we bi usen truwen, dat dat recht is und we nicht rechteres weten noch bevragen künnen.
Tu den twintegesten reden, de unse herre greve sprik, umme sinen scaden und Johans antwerde van Crendorp dariegen, dar spreke we her Ot und her Herman dat vor en recht: Her Johans scal des scaden unsculdich werden upen heyligen. Dat spreke we bi unsen truwen, dat dat recht is unde we nicht rechteres weten noch bevragen kunnen.
Tu den einundtwintegesten sculden, de unse herre greve Bern sprik, und her Jo- hans antwerde dariegen, dar spreke we her Otte und her Herman dat vor en recht: Her Johan scal des scaden unsculdich werden upen heiligen. Dat spreke bi etc.
Tu den tweunttwintegesten sculden, de use herre greve Bern sprikd, und her Jo- hanneses antwerde dariegen, dar spreke we her Ot und her Herman dat vor en recht: Dat her Johan nicht vul antwerded hed. Wen unse herre greve Bern sprik, he hebbe den scaden nömen van hern Johannesses wegene, he scal bekennen oder vorsaken. Be- kant hes, he scal den wederdün uppe recht mit büte; vorsaket hes, he scal des unscul- dich werden uppen heiligen. Dat spreke et cetera.
Tu den dreuntwintegesten sculden, de unse herre greve Bern sprik, dat her Jo- hannes unde her Ludolfe van Krendorp ome untseyt hebben ane allerhande redeleke sculde und hebbe ome groten scaden dan, unde se des nicht vorantwerden hebben, dar spreke we her Ot und her Herman dat vor en recht: Den scaden scol se ome weder- dun mit büte up ore recht. Dat spreke we bi et cetera.
Tu den vereuntwintegesten sculden, de unse herre greve Bern sprikt, umme sine clostere, umme sine reddere und umme sine man und des biscopes antwerde dariegen, dar spreke we her Ot unde her Herman dat vor en recht: Dat goddeshus und dat capitel scal orme islike bisunder bekennen oder vorsaken. Bekennen ses, se scolen den wederdün; vorsaken ses, se scollen des unsculdich werden, also rech is. Unses heren man scal man ore gut lyen. Dat spreke we, dat man durch rech dun scal umme her Hermanne Gruddinge und Bussen van deme Berge. Sintdemmale dat her Herman des enen rechten herren het des gudes und her Busse nenen weren het, up den he te in sineme antwerde, so spreke we dat vor en recht, dat he sin gut billiken behalt. Dat spreke we bi et cetera.
Tu den vifunttwintegesten reden, de unse herre greve Bern sprik, umme Wegen- leve hus und stad und des biscopes antwerde dariegen, dar spreke we her Ot und her Herman dat vor en recht: Nadememale dat dat slot tu Wegenleve sat ward vor pen-
Diverse: Codex diplomaticus Anhaltinus/Band 3. Dessau: Emil Barth, 1877, Seite 333. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_333.jpg&oldid=- (Version vom 31.7.2018)
