|
Diverse: Codex diplomaticus Anhaltinus/Band 3 |
|
|
unde de stat over deme wathere et cetera. Dar antwerdet use herre" von Halberstat tho unde sprick, dat dit vorbescrevene gut si sin unde sines goddeshuses eyghen, unde sin vorvare hebbet an one ghebracht et cetera. Scedelude uses herren greven Berndes spreket dat vor en recht: ,Use greve Bernt scal sines leenes were mit sines enes hant behalden op den heylighen et cetera. Scedelude uses herren von Halberstat spreket dat vor en recht: ,Dat hus unde dat gut, dat use herre sprickt, dat sin erveeyghen si unde he it in hebbenden weren unde in erven weren hebbe et cetera.' Hir spreke wy tho also en overmann: Nademmale dat use herre von Halberstat sprickt alsus: ,Dat hus unde dat gut is use unde uses goddeshuses eyghen unde hebbent in nutte unde in gelde unde hevet use vorvare an os ghebracht unde hebbent in erven hebbeden weren', dat man usen herren" von Halberstat in sinen eyghentliken erven hebbenden weren besitten scal laten, went man ome de eyghentlike were breke, also recht is.
Echt sprick use herre greve Bernt von Anhalt deme biscope, deme capitulo, deme goddeshuse van Halberstat tho umme Weghenleve hus und stat also verne, also de wische binnen deme graven in deme haghene is, dat dat sin vedder satte vor pen- ninge et cetera. Dar antwerdet use herre* von Halberstat tho: ,Weghenleve hus unde stat is use unde uses goddeshuses eyghen unde hebben dat in nutte unde in gelde unde in hebbenden weren et cetera.' Scedelude uses herren greven Berndes spreket dat vor en recht: .Nademmale dat dat slot thü Weghenleve sat wart vor penninge unde uses herren greven Berndes erven boden die penninge tho ghevene unde he bat se noch tho ghevene et cetera.' Scedelude uses herren von Halberstat spreket dat vor en recht: ,Went use herre von Halberstat sprickt, it si sin unde sines goddeshuses eyghen unde hebjbe dat in nutte unde in gelde unde in ervenweren et cetera.' Hir spreke wy tho also en overmann: Nademmale dat use herre von Halberstat sprickt alsus: ,Dat hüs tho Weghenleve is use unde.uses goddeshuses eyghen unde hebbent in nutte unde in gelde und in erven hebbenden weren unde hevet use vorvare an os ghebracht,' dat man usen herren von Halberstadt in sinen eyghentliken erven hebbenden weren besitten scal laten, wen man ome de eyghentliken were breke, also recht is.
Aver sprick use herre greve Bernt von Anehalt umme dat hus tho Wedestorp, umme al, dat dartho hord, dat dat sin rechte erveeyghen si: des untweldighet one her Hinrick unde her Arnolt Stameren von des goddeshuses weghene tho Halberstat et cetera. Dar antwerdet use herre von Halberstat tho: .Umme den scaden, den greve Bernt eschet von deme hüs tho Wedestorp, des hebbe he ene rechte sone unde wille de yrtughen, also recht is.' Scedelude uses herren greven Berndes spreked: ,Man scal unseme herren greven Bernde dat hus thü Wedestorp dorch recht wederantwerden, na- demmale dat dat sin rechte eyghen is et cetera.' Scedelude uses herren von Halber- stat spreket: ,Yrtughed use herre* von Halberstat des ene sone umme Wedestorp, also recht is, et cetera.' Hir spreke wy tho also en overman: Sculdighet use herre greve Bernt yenighen uses herren man von Halberstat, den he tho rechte vordeghedingen scal, dat he sin eyghen weder ome hebbe unde ome dat voreenthalde tho unrechte, dat use herre von Halberstat den tho rechte setten scal, unde die scal vor dat gut antwerden, also recht is.
Ock sprick use herre greve Bernt von Anehalt umme dat hus tho Snetlinge unde Bürneker unde al, dat dartho hört, dat dat sin rechte ervegüt si, des untweldighet oen her Johannes unde her Ludolf von Creendorp von des goddeshuses weghene tho
Diverse: Codex diplomaticus Anhaltinus/Band 3. Dessau: Emil Barth, 1877, Seite 342. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_342.jpg&oldid=- (Version vom 31.7.2018)
