|
Diverse: Codex diplomaticus Anhaltinus/Band 3 |
|
|
1339. Februar 16. Die Schöffen von Magdeburg ertheilen den Rathmannen von Zerbst eine Rechtsbelehrung über die Verschossbarkeit von Leibgedinge.
Den kloken unde hovelchen mannen den ratmannen to Cerwist enbiede wie sche- pen der stad to Magdebürch unsen diensthaftighen willen in allen dinghen. Gi hebben uns ghescreven in iuwen brieven an dissen worden: ,Wie bidden iu vrüntlike, dat gi uns berichten, oft man sulk gut, dat vor lifgut vorkoft is, to rechte vorschoten scal oder nicht, wente dat priesteren unde leyen vorkoft is.' Hirup spreke wie vor eyn recht: ,Priestere en scolen von rechtes weghene neyn lifgut vorschoten, dat sie von deme rathuse ghekoft hebben, sunder leyen, die iuwe borghere sin, die scolen ore lifgut vorschoten also lief, alse sie it hebben.' Dat dit recht si, dat bethughe wie mit unseme ingheseghele, dat wie torucghe hebben gheklievet laten an dissen brief, den wie ghe- gheven hebben na Goddes ghebort dusent iar driehundert Iar an deme neghenunde- drittighesten iare, des neisten diensdaghes na deme sondaghe, also man singhet Invocavit.
Aus dem Original im Stadtarchive zu Zerbst: daa Siegel ist auswärts der Urkunde aufge- drückt gewesen, aber verschwunden.
1339. März 22. Die Grafen Albrecht und Bernhard von Regenstein bestellen in ihren Streitigkeiten mit der Aebtissin von Quedlinburg unter Anderen Gerhard von Wederde zum Schiedsrichter.
We Älbrecht unde Bernt van der gnade Goddes greven von Reghensteyn bekennen in disseme openen breve, dat we os vruntlikken ghesunet hebben myd unser vrouwen der ebdeschen to Quedelingheburch umme alle dat, des os werrende was.--Vordmer umme dos os to werrende waz unde noch mach to werrende werden, dat schal stan oppe de vromen ryddere hern Gherarde von Wederden unde hern Borcharde Speghele unde oppe hern Hinrik Schatte unde Conrade van Wyghenrode, de scolen os erscheden myt vruntscap eder myd rechte binnen veyre weken. Were dat se des nicht en deden, so scolen se eynen overman kesen: wene se denne kesen, de scal os irscheden myd vruntscap eder myd rechte---.
Na der bort Goddes dretteynhundert iar in deme negedenundedritteghesten iare, in deme mandaghe na Palmen--.
Vollständig aus dem Original gedr: Erath cod. dipl Quedl. 458.
Diverse: Codex diplomaticus Anhaltinus/Band 3. Dessay: Emil Barth, 1877, Seite 500. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_500.jpg&oldid=- (Version vom 31.7.2018)
