|
Diverse: Codex diplomaticus Anhaltinus/Band 3 |
|
|
Gherenrodensi, loco solito, feria secunda post dominicam Judica, presenti anno, ad pro- videnduin eisdem ecclesiis per electionem canonicam de abbatissa futura, et convenien- tibus omnibus et singulis in refectorio nostro in ipsa feria secunda post dominicam Judica vocem in huiusmodi electione habentibus, que voluerunt, debuerunt et potuerunt commode electioni interesse, quibusdam tractatibus prehabitis, placuit omnibus et sin- gulis legitime, ut premittitur, evocatis capitulum ecclesie Gherenrodensis atque capitulum ecclesie Yrosensis facientibus, ius in electione habentibus procedere in negotio electionis per formam comprömissi, unde dedimus unanimiter nulla discrepante discretis dominabus, videlicet domine Ghertrudi preposite ecclesie Gherenrodensis necnon domine Lucgharde dicte de Valkenbergh, canonice ecclesie eiusdem, et earum cuilibet per se et in solidum plenam, generalem et liberam potestatem eligendi abbatissam ecclesiarum prelibatarum et etiam eisdem ecclesiis de abbatissa providendi, promittentes, quod ipsam reciperemus in abbatissam ecclesiarum prefatarum et eidem humiliter pareremus, quam ipse vel ipsarum altera primo de se ipsis vel de gremio dictarum ecclesiarum eligerent seu eciam in abbatissam nominarent. Predicte vero domine potestatem huiusmodi, ut pre- mittitur, acceptantes, tractatus inter se plurimos habentes et etiam cum viris providis tractabant super eodem. Tandem dicta Lucghardis in dominam Ghertrudim prepositam prememoratam, unam compromissariarum, direxit vota sua et concordabat in eandem dominam et eandem in abbatissam dictarum ecclesiarum nominabat utique providam, etatein legitimam habentem, legitimo de thoro procreatam, scientem et valentem per- sonas et res dictarum ecclesiarum in spiritualibus et temporalibus gubernare. Propter quod, vocatis legitime qui habebant ius in electione, sabbato ante dominicam Palmarum et omnibus eis congregatis ipsisque presentibus domina Lucghardis dicta de Valkenbergh, canonica una compromissariarum, vice sua et vice et nomine tocius capituli Gherenrodensis atque tocius capituli Vrosensis ecclesiarum antedictarum dominam Ghertrudim, prepo- sitam ecclesie Gherenrodensis prefatam, elegit solempniter in abbatissam ecclesiarum sepius dictarum et nostram in modum qui sequitur:
- In nomine patris et filii et Spiritus sancti amen. Cum vacantibus ecclesiis, scilicet Gherenrodensi et Vrosensi, ut predicitur, placuit omnibus et singulis supradictis de abbatissa providere per formam comprömissi nobis, videlicet Ghertrudi preposite ecclesie Gherenrodensis et Lucghardi canonice eiusdem ecclesie, dederunt concorditer liberam et plenam potestatem eligendi abbatissam dictarum ecclesiarum et providendi eisdem. Nos vero post multos tractatus divina gratia mediante concorditer direximus vota nostra in dominam Ghertrudim prepositam sepius dictam, dominam providam in spiritualibus et temporalibus, circumspectam, etatem legitimam habentem, cui nichil credimus obstare de canonicis institutis, unde ego Lucghardis vice mea ac vice, nomine et mandato tocius capituli Gherenrodensis necnon tocius capituli Vrosensis ecclesiarum sepius dictarum prelibatam dominam Ghertrudim prepositam eligo in abbatissam Gherenrodensis et Vrosensis ecclesiarum premissarum et provido ecclesiis de eadem.
Ipsamque electionem mox publicavimus in communi et eandem communiter approbavimus ,Te Deum laudamus' cantando campanasque pulsando, eam electionem, ut prefertur, canonice celebratam eadem die electe presentavimus, instanter petivimus, ut electioni de se celebrate suum preberet consensum, que devicta nostrarum precium instantia eadem
Diverse: Codex diplomaticus Anhaltinus/Band 3. Dessau: Emil Barth, 1877, Seite 544. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_544.jpg&oldid=- (Version vom 31.7.2018)
