|
Diverse: Codex diplomaticus Anhaltinus/Band 3 |
|
|
1346. August 25. Die Grafen Albrecht von Regenstein, Sievert und Otto von Mansfelt vertragen sich mit dem Bischöfe Albrecht II von Halberstadt und stellen unter anderen den Ritter Arnold von Stammer den Mageren zum Bürgen dieses Friedens.
Wir Albrecht van der gnade Goddes greve van Reghenstein nnd wie Sivert und Otte greven Borchardes sone van Mansfelt bekennen und betugen opelikem in dessen» iegenwardigen breve, dat we scolen alle de pape, de in desseme krighe, de twisschen useme heren bisschup Albrechte van Halvers tad und, uns gewesen is, ut eren lehnen geworpen sint, weddir in ore lehne setten binnen desseme iare, und by namen hern Helmolde den pernere van Isleve scole wy weddir in syn lehn setten bynnen dissen ne- gesten twen iaren. Und wat unse herre hertoge Magnus sprikt umme de gulde, de eme gebort van twen iaren, dat scal me halden. Weide aver he darumme nicht spre- ken, scolde me deme vorbenomeden pernere also vele gulde geven, alse eme mochte geboren, äff he sine parre ütdede to twen iaren. Het ok we edder iemant van user wegen ienich lehn vorlegen, dat useme heren van Halvertsat gehorde to lenende, eder he ienich vorlegen, dat us geborde to lenende, dar scolde wie beider siden use man und use denre to schicken, von user weghene herren Arnde Stameren den maghern und Boldewine van Evesum, und van uses herren weghen hern Siverde von Hoygem und hern Diderke van Lere riddere. Den scoldeme beidentsiet geven bescreven, welk de lehn weren, bynnen vier weken und de scolen dat untrichten mit fruntscap edder mit rechte darna ok bynnen vier weken. Konden sie des nicht gedon, so scholden see dat bringen ane den overman, dat is use here van Megedeborch, de scolde dat unt- richten nach uses vorgenanten herren von Halverstad unde nach user bewisinge darna bynnen twen maneden, alse dat recht were. Wat ok anders schelinge und opstot under uns werrende weren, de scolde we bescreven geven usen vorbenomeden schedesluden binnen veerteyn nachten unde scolden de beidersid darna vorantwerden bynnen veer- teyn nachten. Darna bynnen vier weken scolden sie uns entscheden na mynnen edder na rechte. Konden sie des nicht gedon erdrechleken, so scolden sie dat bryngen an den vorbenomden overman, usen heren van Megedeborgh: wes os de entscedede darna bynnen twen maneden, dat scholde we beidersiit vulten und holden. Worde ok desser vorgenanten prelaten edder papen ienich vornuchtich also, dat he nicht wolde komen to usis herren gnaden, den edder de scolde we nicht verdedyngen, dewile dat use vor- genante here use gnedige herre were. Dat we alle desse vorbenomeden dink stede und gans holden willen, dat love wii usem vorgenanten herren bisschoppe Albrechte van Halberstat en truwen unde sette om dar borgen vore, de hirna bescreven stat: hern Arnde Stamern den maghern, Tzoderan, Hinsen van Dadendorpe, Boldewine van Evesum, Curde van Wighenrode, Corde van Dingelstede, Tuen und Hinsen van deme Dale, Tilen van Hasselvelde und Bussen van Widzerode, in alsodaner wis: weret dat we desse vorbenomeden dingk nicht voltoghen noch en helden, also hirvor bescreven steit, welke tiid denne use vorbenomeden borgen van uses vorgenanten heren wegen gemanet worden, darnach bynnen veerteyn nachten scolen sie inriden in de stad to-
Diverse: Codex diplomaticus Anhaltinus/Band 3. Dessay: Emil Barth, 1877, Seite 559. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_567.jpg&oldid=- (Version vom 31.7.2018)
